هر کیمین اورک‌ده وار اعتقادی
صدق‌ایلن دم‌به‌دم یا علی دئسین
آچیلسین اوریی شاد اولسون کؤنلو
عشق‌‌ایلن اَهلِ غم یا علی دئسین
عارف اولان اوخور «طٰه»«یاسینی»
عاشق اولان اونوتماز مولاسینی
یادا سالسین اُوْل کَرَم دریاسینی
هر صاحب کَرَم یا علی دئسین
علیسیز عبادت بادِ هوا دیر
علسیز اطاعت فِعلِ فنا دیر
علسیز محبت عشقه جفا دیر
اَمیرِ محتشم یا علی دئسین
علی‌دن اَل چکمَز هر آییق انسان
علی‌دیر معنیِ آیاتِ قرآن
کیم ایستَر بسله‌یه جان ایچینده جان
گؤتورسون بیر قَدَم یاعلی دئسین
علی‌دیر قرآن‌دا سٰابِقون اَسْبَق
علی‌دیر مظهرِ خالقِ مُطلق
علی حَقّه باغلی علینین‌دیر حَق
حَقّینه مـُلْـتَـزَم یا علی دئسین
علی‌علی دئییبَن حَقّه قووش
علی‌علی سسلن آلوودان سووش
علی‌علی یازیر الیمده یووش(قلم)
گرک«قیزیل‌قلم»یا علی دئسین
- چهارشنبه
- 7
- مهر
- 1400
- ساعت
- 20:9
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه