دوشوبدور آتش عشقین دلِ سوزانه یامهدی
اؤزون چک خطِّ پایانی شبِ هجرانه یامهدی
جهان محتاج‌دیر سنده اولان درمانه یامهدی
نئجه گؤر دؤندو هجرون‌دن اورک‌لر قانه یامهدی
یئتیش امداده ای فرمانده فرزانه یامهدی
اَلولی سینه‌لردن آتش‌هجران نمایان‌دیر
بوتون عاشقلرین هجرینده مولادیده گریان‌دیر
قسم خلّاق داداره فراقینده اورک قان‌دیر
بو نه فرقت بو نه هجران بو نه حسرت نه طوفان‌دیر
غیابین‌ده دوشوب اُود عالم امکانه یامهدی
سن ای خورشید عزت دالدالانما اَبرهجراندا
سن ای ناجیِّ امّت دادرس سن حال بحراندا
یِئتیش امداده دینین زورقی غرق اولدو طوفاندا
چکیر ظلم آتشی شعله یانیر مظلوم هریاندا
چکیب کفر اهلی لشگر زُمره‌ی ایمانه یامهدی
شهنشاها مرادا قبله‌گاها اقتدارین وار
یوبانما تِئز یِتیش مولا بیلیرسن انتظارین وار
شهِ ملکِ عدالتسن عدالت‌دن شعارین وار
علینین یادگاری الده کسگین ذوالفقارین وار
شرر سال ذوالفقاریلن صف عدوانه یا مهدی
قسم اؤز جانینا مشتاق دیدارین فراوان‌دیر
مین ایل‌دن چوخدوکی دنیا فراقیندا غزل خواندیر
عراق و یثرب و کنعانین اهلی ملک لبنان‌دیر
بوتون دنیادن آرتیق انتظارین اهل ایراندیر
فدا اِئیلر اؤزون ایرانلیلار مهمانه یامهدی
سنه قربان اولوم مکه مدینه سامرادن گل
گتیر تربت هدیّه مرقد خیرالنسادن گل
نجف‌دن کوفه‌دن عزم سفر قیل کربلادن گل
دایانما تلّ زینبده خبر دوت آه و وادن گل
تسلّای دل اول سن یاره‌لی سلطانه یامهدی
قلم تِئز دیر هَلَه شرح مصیبت یازما صبرایله
مسیر عشقی نمناک اِئیلمه سن اَشک نوحه‌ایله
امام عصره یاز عرض نیازین عشق‌دن سؤیله
اونون عشقیله زنده ساخلا قلبین محنتی پئیله
دئنن قیلسین عنایت کلبه‌ی اَحزانه یامهدی
برات آخشامیدیر صاحب کرم‌دن التفات ایسته
درِ جود و سخادن هر ایکی دنیا نجات ایسته
امام عصردن شایسته و لایق برات ایسته
کرامت صاحبیندن احتشام باثبات ایسته
دئنن واردیر گؤزوم سنده اولان احسانه یامهدی
بگو یابن‌الحسن صوت رسایت را رساتر کن
زُجاجِ دیده را بانور یزدانی منوّر کن
زبان با نام زیبای اَباصالح معطّر کن
بنوش از جام صهبا شربتی را یاد کوثر کن
گریبان چاک کن واندم بگو مستانه یامهدی
خرابم ساقیا خسته دلم جرعه شرابی دِه
خُمت پر باد ساقی زان شراب ناب نابی دِه
دگر ساکت مَشین جامی لبالب کن جوابی ده
که من ناخورده مستم آب بر من پاش و آبی دِه
نمانده فرصتی دیگر شوم دیوانه یامهدی
منم دیوانه‌ی رویت منم آشفته چون مویت
خدا آشفته حالی را رساند بر سر کویَت
شود روزی که ای مولا ببینم درجهان رویت
فدای جذبه‌ی عشقت فدای طاق اَبرویت
بیا در فُرقتت قُر شد پرِ پروانه یامهدی
گل ای فریادرس فریادیمیز اَفلاکه قووزاندی
بوتون مظلوم‌لر یول گؤزلییولّر قلب‌لر قاندی
ظهورون سالما تأخیره جهان قان ایچره غلطاندی
عدالت ایستیینلر دیده گریان سینه سوزاندی
جهان حسرت قالیب سنسیز لب خندانه یامهدی
جمالیندن ایشیقلاندیر جهانی نور یکتاسن
سن ای خُلقِ عظیمین یادگاری خَلقه داراسن
علینین مظهری عالَم بیلیر ایستکلی مولاسن
شُبیر و شَبَّرین فرزندی‌سن دلبند زهراسن
سنین آدینله روشن‌دیر چراغ خانه یامهدی
بابان سجاده نسبت گوییا فرزند ایرانسان
امام باقر و صادق‌ده‌کی علمه نگهبان سان
امید موسیِ جعفر گلِ شاه خراسان سان
جوادین جودینه صاحب امام هادیه جانسان
امامِ عسکرینین قلبینه دُردانه یامهدی
یازان ساعتده بوشعری گزیردیم اشتیاق اوسته
وجودیم نِی مثالی ناله ائیلیردی فراق اوسته
حجاز آهنگی زابل ناله‌سی گئچدی عراق اوسته
نه گؤردوم‌کی عراق اهلی اِئدیر حمله قوناق اوسته
اولوبدور میزبانلار حمله‌ور مهمانه یا مهدی
نئجه مهمان‌کی اطرافینده وار یِئتمیش‌ایکی یاری
عیال و عترتی عطشان اوشاق‌لار دیگر انصاری
یاریم گون فاصله‌ایلن قانینه غلطان جوانلاری
کنار نهرده عطشان شهید اولموش علمداری
قورولدو بزم ماتم ساقی عطشانه یامهدی
نئجه مهمان‌کی عطشان آیریلان ساعت خیامیندن
چکیب دل دار دنیادن اَل اوزدو احتشامیندن
مینیبدیر توسن عشقی چیخیب خیمه نظامیندن
دوشوبدور حیرته یکسر ملک‌لر اِهتمامیندن
نئجه جدّین حسین یالقیز گئدیر میدانه یا مهدی
پناه عالمی اَلدن وِئریر گویا آدامسیزلار
حسینی بدرقه اِئیلیر گؤزو یاشلی اوغولسوزلار
سو جامین گیزلدیب پشت سرین‌ده تشنه‌لب قیزلار
ووروب شمسِ امامت دوره‌سین‌ده حلقه اولدوزلار
بیبون زینب چاغیردی قارداشین بیر یانه یا مهدی
- چهارشنبه
- 7
- مهر
- 1400
- ساعت
- 22:20
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه