گلمیشم پابوسوه ای حامی قرآن حسین
زینبون بو آلتی گوشه قبروه قربان حسین
بیز گیدنده شامه قارداش پیکروز عریانیدی
پاره پاره گل وجودوز آیۀ قرآنیدی
بو بلا دشتینده جسموز گل کیمی خندانیدی
کیم سیزی تاپشوردی تپراقه شه خوبان حسین
بیز گیدنده اولمادی فرصت سیزه یاس ساخلیاخ
اوخشیاق قلبی یانانلار تک دویونجا آغلیاخ
یاندی خیمه اولمادی شام غریبان ساخلیاخ
زینبی عفو ائتگلن که اولمادی امکان حسین
بولمورم که کوفه یا شامون جفاسیندن دیوم
یا یزیدون مجلسی یا دل یاراسیندن دیوم
قول قولا باغلى حرملر آه و واییندن دیوم
اولموشام قدّی خمیده جور اعدادن حسین
خارجی آد قویدیلار اولاد آل حیدره
چکدیلر بازار شام و کوفه ده هر معبره
ووردیلار دل یاره سی هر دم شکسته دللره
گور نلر چکدی بو یورقون عترت نالان حسین
گزمیشم شاماتی قارداش حقّی اثبات ائتمیشم
کاخ استبداد ده بیر خطبه ایراد ائتمیشم
ائتمیشیم رسوا یزیدی خانه بر باد ائتمیشم
قویمارام تاپسون بو نهضت ذرّه جه قصان حسین
ساخلیوبدور گور نجه قارداش امانت زینبون
دورگلن قیزلاروی گتدی سلامت زینبون
بیر رقیّه ندن گورا اولموش خجالت زینبون
جان ویروب ویرانه ده اول نوگل خندان حسین
- جمعه
- 9
- مهر
- 1400
- ساعت
- 15:35
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه