ای وجود پاکی شمع بزم وصله نور عم اوغلی
گل اولور حسرتله زهرا محضروندن دور عم اوغلی
بسکه یوز ویردی غم اوستن غم من بی غمگساره
تنگه گلدیم گوردوم الده یوخ داخی بیر اوزگه چاره
یوز قویوب توپراقلارا یالواردیم ازبس کردگاره
ائتسون عزرائیلی قبض روحمه مامور عم اوغلی
ئولماقا دلدن خوشام من نیلورم بیله حیاتی
ظلم دشمن باعث اولدی مرگده گوردوم حیاتی
بیر اوزون مدت دیردیم ربنا عجل وفاتی
تا بو گون گلدی اله قلبیمده کی منظور عم اوغلی
ملکومی غصب ائتدی دشمن، خوش گونون تا یتدی باشه
عترتیمده منده اولدوخ مبتلا زیق معاشه
تاپمادیم چاره نقدری چنگ ویردیم من تلاشه
آخر اولدوم دشمنه یالوارماقا مجبور عم اوغلی
سندن اذن آلدیم ایدم چاره بو درد بی دوایه
گتدیم آچدیم دل ابوبکرین ائونده التجایه
بسکه یالواردیم سوزوم ائتدی اثر اول بی وفایه
حقمی امضا ایدوب قیلدی منی مسرور عم اوغلی
باغریما باسدیم او دمده دست خط مصطفانی
شاد و خرم قصد قیلدیم سرعتیله دودمانی
راهده امر قضائیله منه توش اولدی ثانی
ظلمله فتح باب ایدوب اول مرتد مغرور عم اوغلی
دیده غربالدن اول دم عذاره اشگ الندی
ایش یتشدی بیر یره عالم غمیله غصه لندی
هم ئوزوم بی هوش دوشدوم هم قبالم پاره لندی
من او گوندن ناخوشام، حالیم اولوب ناجور عم اوغلی
اودلاناندا درگهیم من اوندا ال ئوزدوم ئوزومدن
سقط اولوب محسن، بوشالدی قان اولان قلبیم دوزومدن
حامله عورت منیم اول حالمی آنلار سوزومدن
من او ظلمی عرض قیلماقدان وارام معذور عم اوغلی
منکه دنیادن عم اوغلی ایلدیم عزم شهادت
ویر گجیله غسلومی، دفن ائت ایا شاه ولایت
قویما تشعییمده شرکت ایلسون بو بد جماعت
گزلین ایله قبریمی اولسا اگر مقدور عم اوغلی
موسم هجران یتوب ای خلقت دنیایه علت
چوخ منه باخدوقجا توکمه گلعذاره اشگ حسرت
نطقوه قربان باشیم اوستونده قیل یاسین تلاوت
حق گوروم ایتسون سنی بو امریده ماجور عم اوغلی
واردی بیر خواهشیم بو آیریلیق وقتنده سندن
منکه ئولدوم گوز گتورمه بو حسینیله حسندن
بیرده بو دوقوز ایلی چوخ اولموسان رنجیده مندن
عفو ایله ای خاطری مندن اولان رنجور عم اوغلی
قیزلاریم مندنصورا گلسه اگر آه و نوایه
مانع اول خاصه قیزیم زینب بویور دوزسون بلایه
ساخلاسون آه و نواسین سرزمین کربلایه
آغلاسون گورسه حسینی قوملار اوسته عور عم اوغلی
چون (شبیری )خدمت ایلور بیزلره دار فناده
یازماقیلا گلماقیله روز و شب بزم عزاده
ایلرم منده دعا تا کی اونی روز جزاده
حی داور بیزلریله ایلسون محشور عم اوغلی
- سه شنبه
- 13
- مهر
- 1400
- ساعت
- 15:2
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه