آز قالیرکی تقدیم ایده م بو گون
من بو جانی جانانه زینبیم
دردیمین دواسی تاپولمادی
یوخ اومید درمانه زینبیم
عومرومون بهارین جفاییله
ائتدیلر بابامدان صورا خزان
یاندی درگهیم اولدی محسنوم
درد و غصه دن باغریم اولدی قان
گرچی سنده باشی بلالی سان
صبر ایله قیزیم ایلمه فغان
آغلاما کی گوزیاشین اود سالیر
بو دل پریشانه زینبیم
بو بئش اون گونی آخر عومریده
کئچدی حدُّیدن محنتیم منیم
قالمیوب رمق جسم و جانیده
چوخ اولوب سیزه زحمتیم منیم
ممکن اولمادی نازوزی چکم
قالدی قلبیده حسرتیم منیم
ایستیرم ولی قاخمیری قولوم
زلفیوه وورام شانه زینبیم
گل دویونجا بیر صحبت ایلیاخ
تا دئیوم نه لر اوز وئریب منه
قیز آناسینون رازداریدی
شرح ائدیم اورک دردینی سنه
شرطی واردی پوزما وقاریوی
اه و زار ادیب گلمه شیونه
وار سنون هله چوخلی محنتون
گلمه بیله افغانه زینبیم
- پنج شنبه
- 15
- مهر
- 1400
- ساعت
- 13:31
- نوشته شده توسط
- یوسف اکبری
- شاعر:
-
محمد هوشمند
ارسال دیدگاه