وجود عالم امکان وجودوندان رقم تاپدی
وجودون نفی لا ائتدی نهایت چون عدم تاپدی
سریلدی فرش مستحکم آسیلدی عرش رحمانی
دوزولدی کهکشان یکسر نظام منتظم تاپدی
قدومیندن صفا آلدی طراوتلندی گلشنلر
سکوت محض ائدن بلبل سنون عشقونله دم تاپدی
گوزه نور و ضیا اولدون دیله شیرین سخن گلدون
جهان افلیجیدی سندن توان آلدی قدم تاپدی
یوزون شمس الضحی مطلق بو نور مطلق حقدن
قرانلیق مضمحل اولدی جهالت قدی خم تاپدی
سنی تا گوردی حاتملر بساطین جمع ائدوب فورا
قاپوندان مین سلیمانلار گلوب دست کرم تاپدی
کیمم من آستانینده منه تا احترام اولسون
سنه شاعر اولوب طائر لباس محترم تاپدی
تقریر روز جمعه ۱۶ ابان ۹۹
- جمعه
- 29
- بهمن
- 1400
- ساعت
- 23:5
- نوشته شده توسط
- طائر
- شاعر:
-
طائر اورنگی
ارسال دیدگاه