یاحسین ع
بیر عمرودور که کرب و بلا بیقراریم
من عاشقم حسینه حسینون دچاریم
نیلوم نچه زماندی وصالین تاپانمیرام
الله بولور بو اوتدا یانیب دلفکاریم
گونده اگر زیارت ائدم قبر پاکینی
دویماز اورک ندیم ندی چاره خماریم
هر یئرده یا حسین ائشیدوب دلدن آغلارام
بزم عزاسینده دیلده نوا اشکباریم
ازل آنام بو یاحسین دماقی اورگدیب منه
عمروم نقدری اولسا آنامین قرضداریم
ذاتا خدا حسینه یاراتدی بیزی غلام
نه تک حسینه نوکر ایل و تباریم
جانیم باشیم فدادی مقدس مزارینه
اولسا لیاقتیم من اونون جانثاریم
شاهلار شاهی جهاندا اگر اولسا منصبیم
واضحدی من حسین بن علی خاکساریم
بیز خانوادتا بو شهین سایه سیندیوخ
بسدور همینکه سفره سینون ریزه خواریم
طائر گوزون تیکوب آقامین التفاتینه
اولسم مزاریم ایچره حسین انتظاریم
طائر اورنگی
تقریر اول شعبان سال ۱۴۰۰
- جمعه
- 13
- اسفند
- 1400
- ساعت
- 2:22
- نوشته شده توسط
- طائر
- شاعر:
-
طائر اورنگی
ارسال دیدگاه