یاصاحب الزمان عج
الهی بیر نچه ایلدی گلایم وار بهاریمدان
نیه بس یوخ خبر یارب منیم ایستکلی یاریمدان
نه وار پیک صبا اوندان منه بیر خوش خبر ورسین
نده بیر پیک یوخ یاره یتورسین انکساریمدان
هامی اوز یارینه دلخوشدی وصلیندن آلور بهره
منیم ده غصه و ماتم یاغیر چشم خماریمندان
یتور اول نازنین بولسون کی گوزده گوز یاشیم قالمور
اورک قانیم آخور هر دم فراقیندا عذاریمدان
گوزومده قان دیلیمده آه و قلبیمدن گیدوب طاقت
گلوبدور جانه جان جانا زمان انتظاریمدان
او گزلین دلبره یارب دنن هجران داریخدیردی
یانیبدی خرمن عمروم منیم گیزلین شراریمدان
فراقینده یازیب طائر نچه ایللردی غم شرحی
خداوندا نظر قیل تا خبر گلسین نگاریمدان
طائر اورنگی
تقریر ۲۴ اسفند ۱۴۰۰
- سه شنبه
- 24
- اسفند
- 1400
- ساعت
- 17:22
- نوشته شده توسط
- طائر
- شاعر:
-
طائر اورنگی
ارسال دیدگاه