• سه شنبه 3 خرداد 01


امام زمان انتظار -( نگارا قصه ی هجرون عجیبه ماجرا اولدی)

191
2


یاصاحب الزمان عج



نگارا قصه ی هجرون عجیبه ماجرا اولدی
ندن بو آیریلیخ جانا بئله بی انتها اولدی

پوزلدی عالمین نظمی دوشوب نظمه غم و ماتم 
جهان سندن صورا سنسیز سراسر غم فضا اولدی

یانور بیچاره دل هجر و فراقینده گجه گوندوز 
اولوب دیوانه ی عشقون سنه تا مبتلا اولدی

او گوندن کی منیم تقدیریمی زلفون اسیر ائتدی 
گونوم گون اورتاسیندا خال رویون تک قرا اولدی

فراقینده محال امریدور دل شادمان اولماز 
گوزوم گریان دلیم نالان اورک ماتمسرا اولدی

نگارا گلمدون چوخلی سنون عشاقون عالمده
شرار انتظاریندا یانوب بیر بیر فدا اولدی

اگر طائر بو هجراندا اوله قارخار مزاریندان
اوگون کی کعبه دن ذکر اناالمهدی ندا اولدی

تقریر ۱۶ اردیبهشت سال ۱۴۰۱

  • جمعه
  • 16
  • اردیبهشت
  • 1401
  • ساعت
  • 19:46
  • نوشته شده توسط
  • طائر

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران