نیرنگیله یخیلدی شه راستین یره
نامردیلر وریبدی دوشوب مرد دین یره
آتدان دوشنده خامس آل عبا حسین
معناده گوییا دوشوب عرش برین یره
اسلامیان الینده اولوب قطع نخل دین
ظلمیله چون دوشوب شرف مومنین یره
کرب و بلاده اولدی اقامه نماز عشق
سجده حالیندا دوشدی یارالی جبین یره
آغلار گوزیله خیل ملک ائتدیلر نزول
گلدی زیارت ایلیه روح الامین یره
یتدی خبر احمد مختاره عدنیده
گلدی نوایه خاتمه ی مرسلین یره
باشین آچوبدی فاطمه جنتده آغلادی
رجعت ایدوبدی حضرت زهرا حزین یره
سس دوشدی کربلا چولونه مرتضا گلور
عین الیقین تشرف ائدوبدور یقین یره
وای قارداشیم نواسی دیلینده حسن گلوب
اهل کسا یغیلدلا باهم درین یره
بو حینیده اوجالدی صدا نعل عوضلیون
ایشلر یتیشدی بار الهی چتین یره
انگشتر نبوته اولموش حسین نگین
آتلار ایاقی سپدی بو عالی نگین یره
ال ساخلا طائرا آناسیندان اوتان باخیر
گوزیاشلاری گوزوندن آخور حیدرین یره
تقریر شب عاشورا سال ۱۴۰۱
طائر اورنگی
- یکشنبه
- 16
- مرداد
- 1401
- ساعت
- 21:56
- نوشته شده توسط
- طائر
- شاعر:
-
طائر اورنگی
ارسال دیدگاه