صحراده پیکری باشسیز قالان سلام
قیزلاری قاره سین باشه سالان سلام
نحرین یانیندا ای عطشان یاتان حسین
بیر گونده باجیسین گوزدن آتان حسین
چوللرده باجیسین آغلار قویان حسین
پیراهنین ستم اهلی سویان حسین
نی ده کسیک باشی سیار اولان امام
قیزلاری قبرینه زوار اولان امام
قربان اولا باجون عطشان دوداقووه
دور بیر تسلی ور یورقون قوناقوه
باجون یارالیدی باشی بلالیدی
اوغلانلاری اولوب غملی عزالیدی
باشدا قرا گلیب زینب مزارووه
خوش گلدون ایله بو محنتلی یارووه
آییردیلار منی سندن وورا وورا
مرهم قویامدیم مقتلده یاروا
واردور اورکده چوخ دیل یاندران سزوم
سنسیزلیگه نجه بو دنیادا دوزوم
قدّیم کامان اولوب حالیم یامان اولوب
باقریم رقیه نین یاسینده قان اولوب
هیجرونده یانمیشام غمنن قوجالمیشام
من صبریدن بو گون قارداش باج آلمیشام
نطقیله یخمیشام ظلمین بناسینی
پاینده ایتمیشم طاها لواسینی
شاماتیده حسین محشر یاراتمیشام
قبرونده کعبه ی مقصوده چاتمیشام
من شمع تک سنون عشقونده یانمیشام
باش محمیله ووروب قانه بویانمیشام
- شنبه
- 12
- شهریور
- 1401
- ساعت
- 9:25
- نوشته شده توسط
- محدثه محمدی
- شاعر:
-
حسنعلی بالایی
ارسال دیدگاه