ولادت حضرت سیدالشهدا ع
گوز تیکوبلر حیدرین اوجونداکی پیمانیه
بو گئجه عرش خداده بیر بویوک هنگامه دی
عقل اوزی حیران قالوب هر یئر دولی دیوانه دی
بو گئجه گویدن ملکلر ایلیوب فرشه نزول
بو گئجه فطرس دعاسی عرشیده اولدی قبول
بو گئجه حقدن آچیلدی عالمه باب نجات
اهل عشقون طالعینده یازدیلار عالی برات
بو گئجه گلدی جهانه مرتضایه نور عین
حضرت زهرا دییر جانیم سنه قربان حسین
بو گئجه زهرا ائویندن نور عشق اولدی جلی
سسلنور انس و ملک یکسر ائوین آباد علی
بو گئجه اهل ولانین قلبی تاب و تب ده دی
بو گئجه تذکره ی کرب و بلا زینبده دی
طائرا هر دردین اولسا شاه عشق ایلر دوا
ایسته بیر بین الحرم بیرده برات کربلا
تقریر چهارم اسفند ۱۴۰۱
- جمعه
- 5
- اسفند
- 1401
- ساعت
- 1:28
- نوشته شده توسط
- طائر
- شاعر:
-
طائر اورنگی
ارسال دیدگاه