ائویمون شام و سحر شمع فروزانی آتا
باشیمون تاجی، شرف رهبری سلطانی آتا
چوخ چکیب زحمتیمی مهر و وفا درسی وئروب
جلب ایدوبدی نظر خالق یزدانی آتا
یاشییوب عزتیلین عز و شرف کسب ائلییوب
گورسدیب زندگی ده غیرت و وجدانی آتا
سایه ی امنی اولوبدی آناما حرمت ائوی
آنامون قلبیده کی باور و ایمانی آتا
یتیشوب بیرگونی اما ایلدی ترک بیزی
آلدی دلخوشلوقی همده سرو سامانی آتا
اسدیریب باد خزان گلشن وگلزاره غمی
ایلیوب حالیمی هر لحظه ده بحرانی آتا
آغلایولار بالالار منده فغان ایلیورم
گل اوزون درک ائله بو گوزلری گریانی آتا
سن سیز عمروم کچجاخ لحظه به لحظه غمیلن
محنین یاندیراجاخ باغیله بستانی آتا
ثروتیم بیرسنیدون عالم آرا بیرده آنام
اولماسون نینیورم کاخ سلیمانی آتا
سن اولاندا ائویمیز باغ بهاریدی فقط
گتمگین گتدی خزانیله زمستانی آتا
هر شب جمعه گلیب قبریوی سیلّم ئوپرم
یاشلی گوزلن اوخورام سوره ی رحمانی آتا
گوزوم اما قالاجاخ کوچه ده تا سن گلسن
سوپورر بی کس آنام منزل وایوانی آتا
ایندی بیلدیم نه چکیب کربوبلاده زینب
جان ویرنده گوروب اول شاه لب عطشانی آتا
نیزلر آلتدا گوروب قارداشی بی جان ونفس
ظهر عاشور اسن قورخولی طوفانی آتا
.دوغرانیب نهر فرات اوسته گوزل قارداشی
دخت حیدر دولانیب غم زده میدانی آتا
- شنبه
- 17
- تیر
- 1402
- ساعت
- 19:58
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه