قلم عاجزدی وصف مرتضادن
نه یازسون مدحت شیر خدادن
علینی آختاریرسان گر یولوندا
سوروش اوصافینی سن مصطفادن
دلیر کارزار عشق و ایمان
حقیقت زنده دی شاه ولادن
کراماته باخون وقت عبادت
حمایت ایلیوبدی بینوادن
تعجب ایلمه میز قضاده
آلا سهم یتیمی گر اخادن
یل تنهادی جنگ تن به تنده
علینون یوخدی رغبی اقویادن
دیللر یار و اغیاری همیشه
علی نور خدادی ابتدادن
علینی سسلیور عرش و سماوات
گلور عطری همیشه ماسوادن
وقار و همتیله شاه مردان
تیکبدی دار عشقی کیمیادن
اولوب همدم اونا فخر پیمبر
دولوبدی چادری حجب و حیادن
اگرچه شانیده نسوانه باشدی
اوی تزیین اولوبدی بوریادن
علینی قویمیوب دنیاده تنها
اطاعت ایلیوبدی مقتدادن
گتیردی عالمه دورت گوهر ناب
نشاندی هر بیری آل عبادن
حسن زینب حسین کلثومی واردی
ایچیبلر تک تکی آب بقادن
خلایق خلق اولوندی چون الستده
سراسر جلوه ی اهل کسادن
تلالو ایلیر دنیایه یکسر
حسینون نوری دشت کربلادن
اولوبدی نهضتی اسلامه پایه
اوجالدی شانی حتی انبیادن
گدیب یتمیش ایکی لعل بدخشان
گلور عطر شجاعت نینوادن
چتیندی شرح ایدم عاشور عشقی
یانار دل شمعی تک اول ماجرادن
کسیبلر سو یولون اخیامه اوچ گون
هواداری ائدوبلر اشقیادن
امامی تک قویوبلار اهل کوفه
بیری ال چکمدی جور و جفادن
اخیبلار انجم شاه شهیدان
شجاعتلن اوگون خونین سمادن
گوروبدی تشنه دی شش ماهه عباس
گدیب سمت فراته اول فضادن
سالیبدی چیگنینه شهزاده مشکی
اورک آکنده دی مهر و وفادن
علمدار سپاه دین اسلام
آلیبدی نهری عمال دغادن
اولوب آماده تا گلسین خیامه
ویرببلار نیزه عباسه خفادن
دوشوبدی قولاری دلخسته شیرون
چالیشدی حفظ ائده مشکی بلادن
ولی اوخلاندی جاری اولدی مشکی
سالیب تیر جفا سقانی پادن
یئرآچدی اوچ پراوخ تا ساغ گوزوند
یاغیب تیر جفا یردن هوادن
حسینون شیری تا دوشدی کمنده
امیدی قطع اولوندی دای رجادن
آلیب آغوشینه عطشان بالانی
حسین میدانه گتدی چون سرادن
دئدی رحم ایلیون عطشاندی اصغر
ترحم اولمادی قوم دغادن
بیچیبلر تیریله طفلون بوغازین
حسین مایوسد اولوب دار فنادن
قالیب تنها حسین صحرای غمده
حفاظت ایلسین قانلی لوادن
بویوردی نامه یازدیز اهل کوفه
نیه شرم ایلمورسوز اوصیادن
منی بیکس قویوبسوز ای دنیلر
ووریبدی ریشه زی دشمن بنادن
اوتوز مین لشکریزده ای جماعت
منه یوخدی خبر بیر آشنادن
گدیبسوز راه اغیار پلیدی
یوخوزدی واهمه روز جزادن
دئدی باش اگمرم امر یزیده
اگر ویرسیه منه هدیه طلادن
جوابی اولدی فرزند رسولین
کسیلدی باشی مقتلده قفادن
نه چکدی شامه جک بیچاره زینب
آخاندا قارداشین قانی جدادن
- شنبه
- 17
- تیر
- 1402
- ساعت
- 20:29
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه