باغلانُوب سُو یُوللّاری بُو گُوندَه آلِ حِیدرَه
کَربلادَن العطَش فَریادی چخدی گُویلَره
باخدی سَعد اُوغُلی زیادِین اُوغُلونُون فَرمانینَه
باغلادی سُو یُولارین کَرب و بَلا سُلطانینَه
اُولدی باعِث عِترتِ پِیغمبَرین اَفغانینَه
سُو گُمانی قالدی اَشگیلَه دُولی چشمِ تَره
خِیمه لَردَن قُوتُولوب سُو یاندی آلِ مُصطفا
سُو خُصُوصیندَه خَجِل اُولدی بالاسیندان آنا
کَربَلانُون هَر بَلاسی بیر یانا سُو بیر یانا
آرتُوخ اُولدی سُو غَمی هَر غَمدَن آلِ اَطهره
شَرح اِیدوب مُوسایه بیر سُوز که اُوگُون پَروردِگار
کَربلادَه بی کَم و کِیف اُولدی مَطلَب آشکار
تَشنَه لیقدان دَرک اِیدوب چوخ تَشنَه طفلی اِحتضار
بیر سُو اُوسته اُولدی اُوخ دایَه علیّ اَصغره
لِیلِه دِیجورَه دوندی چوخ
سُوسُوزلار گُوندوزی
چوخ سُوسُوزلارین اِیشیق گُوندوزدَه گُورمَزدی گُوزی
چوخ سُوسُوز دِللّر دولانمازدی بَیان اِیتسُون سُوزی
رَمزیلَه دَردِ دِلین قیز عَرض اّیدَردی مادرَه
کَربَلادَه هر بَلانی سُو گَتُوردی باشلارا
بیر سُو اُوستُوندَه قیزیل قانلار سَپیلدی باشلارا
بیر سُو اُوستَه قالدی حَسرت باجیلار قارداشلارا
خِیمه لَردَن اُوج اِیدر نالَه سِپهرِ اَخضرَه
بیر سُوسُوزلُوق آتَشی چوخ داغلی دِللّر داغلادی
چوخ اُوزون قُولاری یالقیز بیر سُو مَشکی باغلادی
بیر سُو اُوسته تَشنَه سَقا گُوزلَری قان آغلادی
مَشگی اُوخلاندی سُویی آخدی تُوکُولدی یِرلَرَه
#ذهنیا آغلا بُوگُوندَه باغلانوب راهِ فَرات
نالَه اَطفالیلَه دولدی خیام طاهِرات
تَشنَه لَبلَر حالینَه قان آغلیوب دور کَاینات
هر طَرفدَن یِر یُوزی تَنگ اُولدی آلِ حِیدرَه
- شنبه
- 14
- مرداد
- 1402
- ساعت
- 23:1
- نوشته شده توسط
- یوسف اکبری
ارسال دیدگاه