مَنَم آلِ بو تُرابَه بُولوسَن عَزیز اِی عَمّه
نِجَه بُوجَلالَتیلَه مَن اوُلوم کَنیز اِی عَمّه
مَنَه پَروَرش وُیروب دور بابام عَمّه عِزّتیلَه
هامی نازیمی چَکردی بُولوسُن مُحَبَتیلَه
نِجَه طَعن اِیدوللّر اِیمدی مَنه گُور شَماتَتیلَه
مَنیلَه بُو دُورِ دُوران اِیدوری سِتیز اِی عَمّه
دیمز اهل کینه الدن آلوب اشقیا بابامی
ستمیله آرترولار یارالی اورک یارامی
ویروری بو یرده نسبت منی بیر کنیزه شامی
نجه شاهزاده بیر قز گور اولار کنیز ای عَمّه
من او بلبلم مخالف یلی گلشنیمه اسدی
اورگیم گلوبدی درده منه ناله همنفسدی
گیدوب الدن اعتزازیم منه بو ملال بسدی
نیه تازه دن ایدوللر منی اشگریز ای عَمّه
اوزون ای بی بی اورکدن بولوسن یارالیم من
سالوب اوچیلار کمنده او حرم غزالیم من
شه کربلا بابامدور اودی چرخ بلالیم من
باشیما اولوب فلک گور نجه خاكبیز ای عَمّه
بو قدر جفایه اولسون نجه منده استقامت
بیری طعن ایدر ستمله بیریسی منه شماتت
اولونوب قرار خلقه اولاجاقدی بیر قیامت
منه گونده نچّه دفعه اولی رستخیز ای عَمّه
نِیَه چَکمُوری خَجالَت بُو یَزیدِ کِینه بُنیان
بیزَه ظُلم اِیدور بُو قَدری بیزُوخ آخر آلِ عُمران
بُو دِیارِ شامدَه یُوخ نِیه حَق بُولَن مُسَلمان
وِیرَه اَمرِ ناحَقیلَه حَقَه بیر تَمیز اِی عَمّه
بُو یَزید اَل گُوتُورمُور نِیَه اوُز شَقاوَتیندَن
اِیشی بیر مَقامَه مُنجَر اِیلیُوب عَداوَتیندَن
مَنی بیر کَنیزَه نِسبَت وِیرورُى قَساوَتیندَن
دِیمُورَی مَنیم بابام دور او شَهِ حَجیز اِی عَمّه
مَن اَگر چه دَستگِیرَم بیر اَسفلَی حالَتیم وار
وَلی شاهزَادِه اَم خَلق آراسیندا شُهرَتیم وار
مَنَیم آلِ عِصمَتیلَه بُولوسَن که اُلفَتیم وار
بُو سُوز اوُسته شَمعِ آهیم اوُلی شُعلَه خِیز اِی عَمّه
بیزَه نُوحَه خواندی #تائب گَلی دادَه سینه داغلار
چَکُوب آهِ سَرد اَشگِ تَرینی عُذارَه باغلار
هَمی اوُخشیُوب سِیزیلدار هَمی آغلادار هَم آغلار
اوُنی اِیستَه حَیّ داوَر اِیلسُون عَزیز اِی عَمّه
- شنبه
- 14
- مرداد
- 1402
- ساعت
- 23:30
- نوشته شده توسط
- یوسف اکبری
- شاعر:
-
صادق تائب
ارسال دیدگاه