سبک : تا مشکتو تو آب زدی
هایانداسان تئز گل اخا
دؤره می دشمن لر آلیب
یوبانما کی رحمسیزلر
منی یامان گونه سالیب
اینان وفا جامه سین تندن سؤیمارام من
یوز ایل سنه خدمتیم کئچه دؤیمارام من
ولی داها اوخلانیب مشکیم شرمسارم
دوشوب قوللار پرچمیم دوشه قؤیمارام من
حسین جان
عنایت ائیله یا حسین
اگر کی زحمتدیر سنه
باشیمین اوسته اولماقین
آند اولا رحمتدیر منه
اؤتوز دؤرد ایل ساینده حسین دالدالاندیم
هارا گئتدین دالینجا گلیب من دؤلاندیم
گئنه گلیب سایه وی منه سایبان ائت
یاندیم اخا گون قباقینده دای طالاندیم
حسین جان
عدو کسیب قباقیمی
اؤخلادی مشکیمی اخا
طاقتیمی آلیب الدن
سویو یئره آخا آخا
دئییدی اؤخ اؤره گیم باشین کاش بؤلئیدی
دئییدی کاش هر ایکی گؤزوم قان اولئیدی
یارالاردان چؤخ چتین منه شرملیک دی
بوندان دا کاش قارداشون اخا تئز اؤلئیدی
حسین جان
کنار نهر علقمده
سوسوز پریشانم اؤزوم
جان اوسته اولسامدا اخا
هله یؤلون گؤزلور گؤزوم
هایانداسان وئر سسیمه تئز های حسین جان
قدملرین گل گؤزوم اوسته قؤی حسین جان
نه قؤللاریم ، نده بیر اوجا ، قامتیم وار
مندن آرخا ، نه قارداش اولماز دای حسین جان
حسین جان
گل گؤر نه حاله قالمیشام
اؤلورم دای جان اوسته یم
جبینیمدن دئیَن بو اؤخ
پؤزوب حالیم چؤخ خسته یم
بو ظولموندن ، اون یدّی شقی ، دویموب هله
سینان باشیم ، آز قالیر اخا ، دوشسون اله
دؤغرانیبدیر ، پئیکریم ایاخ ، باش یارادی
دورانماسام ، ایاقیوه دای ، ائتمه گیله
حسین جان
سندن قاباخ زهرا آنام
بوردا سینه داغلیر اخا
ایوای اؤغول دیه دیه
سینه ووروب آغلیر اخا
اما قؤلو سینه سی پهلوسی یارادیر
هله ده وار سؤل یوزی گؤوه ریب قارادیر
جوان چاغی قامتی یامان بوکولوبدور
تئز گل اخا گور اوزون بو نه ماجرادیر
حسین جان
اؤ دئدی جان بالا منه
منده دئدیم جان جان نه نه
آعلاشدیق ایکیمیز بیله
قانیاش تؤکدوخ دؤنه دؤنه
هایانداسان گل آنام سنی چؤخ سؤروشور
گؤرور کمک لیک ائیلییه نیم یؤخ سؤروشور
گل گؤر منی کیملر آختاریر ، کیم سؤروشور
آغیر عمود سهلیدیر نیزه اؤخ سؤروشور
حسین جان
اوز قولومدان قاباخ اونون
سینان قولونا آغلادیم
سینه سی نین یاراسینا
یارامی مرحم باغلادیم
دئدیم ننه سن یارالی هم من یارالی
عجب اولدو باشیمیز بئله چؤخ بلالی
بوندان بئله بؤشدور آرخاسی دای حسینین
آرتار داها زینبین غمی هم ملالی
حسین جان
زینب باجین یانار دئدی
گؤرسه بو حالتده سنی
اونوندا چؤخ مصیبتی
قؤجالدیبدی بئله منی
بئش یاشیندان باشینه سالیب قاره زینب
مصیبتدن اوره گی اولوب یاره زینب
او دور سسلر ام المصائب هامی اونی
تاپانمادی دردلرینه هیش چاره زینب
حسین جان
دئدیم ننه یانار زینب
چیخاندا تللین باشینا
گؤرسه چوخور یئرده عدو
نلر ائدیب قارداشینا
یعقیندور کی ، اول کمکسیزی ، دای ییخاللار
زینبیمین ، قان اؤره گینی ، دای سیخاللار
گؤزومه بو ، تاخیلان اؤخون ، بیر تاییندا
حسینیمین ، اؤره گی باشیندان ، تاخاللار
حسین جان
دئدی چتین ساعتدی بو
حسین نئجه دؤزه ر بونا
بورونوبدور بوتون جسمین
یوزون ، گؤزون قیزیل قانا
آنان اؤلسون آغلاما ایندی گلر حسین
اؤ قان دؤلان گؤزلرین ایندی سیلر حسین
دؤزه بیلمز قارداش اؤلومی چؤخ چتیندی
دؤیار جاندان چؤخ چکمز اینان اؤلر حسین
حسین جان
دئدیم چتین اؤ ساعتدور
کسی اولماز قارداشیمین
اؤدور (نالان) اولوب ننه
واردور قانی گؤز یاشیمین
زینب باجیم ، غرق اولار اوندا ، ظلم الینده
وورار باشه ، گاه دیزه قارداش وای دیلینده
اوندا یئرلر ، هم گؤیلر آغلار قان حسینه
گلنده سن زهرا آناسی اَل بئلینده
حسین جان
- یکشنبه
- 15
- مرداد
- 1402
- ساعت
- 15:6
- نوشته شده توسط
- یوسف اکبری
ارسال دیدگاه