آلدی حسین قانیله بیر دستماز
تا ائده معبودیله راز و نیاز
عاشقه باخ جان ویرور - یاره لری قان ویرور
مست اولوب آزاد لر آزاده سی
باشه چکوب عشق و وفا باده سی
مقتله باخ قانلی دی سجّاده سی
جلوه ویرور عشقینه روح نماز
سجدیه دوشدی دلِ سوزانیله
خلوت ایدوب حضرت جانانیله
باشلادی ذکرین لب عطشانیله
اهل نمازی ایلدی سر فراز
راوی دیور فکر ایلدیم سو دیور
گوردوم اورک دردین او حق گو دیور
سو نه دی عاشقدی بو یاهو دیور
ایلور ئوز ایستکلی سینه کشف راز
الده قدح فوج ملک سر به سر
سو گتوروبلر ایچر عاشق مگر؟
آب حیاته ، بو سوسوز ناز ایدر
کوثر و زمزمدن اولوب بی نیاز
سالکه ویرمز بیری یولداش یری
خالیدی اکبر یری قارداش یری
سجه گهینده گورونور داش یری
یاره لی حالیله ایدور یاره ناز
عرض ایدور الله سنه من طالبم
پور علیّ بن ابی طالبم
روح عبودیّته من قالبم
بنده وه رحمت قاپوسین ایله ناز
گئتدی حجابات آرادان ناگهان
ویردی حسینه ، یارادان تازه جان
گرم حضور اولدی امام زمان
ایلدی جانان قوناقین پیشواز
سس گلوب ای عاشق زاریم منیم
فاطمه نین اوغلی نگاریم منیم
یاریوم ای سویگلی یاریم منیم
دردیوی گیزلتمه منم چاره ساز
شعله ده بیماریوی من ساخلارام
قورخولی قیزلاریوی من ساخلارام
زینب بی یاریوی من ساخلارام
ایتمه حسین بیر بیله سوز و گداز
عرش سنون عالم امکان سنون
حور سنون جنّت و رضوان سنون
من ایدرم دردیوه درمان سنون
قوی چکیله خنجره عطشان بوغاز
گوز تیکه جاق حشریده امّت سنه
من ویرورم قول شفاعت سنه
نوش اولا بو شهد شهادت سنه
ای شرف کعبه شریف حجاز
دست رد عاشق دوشونه ویرمارام
قلبی سینیق سان سنی سیندیرمارام
کیم سنه یانسا اونی یاندیرمارام
یاز آدینی هر کسه ویرسن جواز
گرم مناجاتدی سلطانِ دین
خنجرین آلدی اله شمر لعین
باشلادی غم نوحه سی روح الامین
چاتدی مراده ازلی عشقباز
گوزدن آخور یوزلره باش گوردولر
یرده بدن نیزدن باش گوردولر
هر طرفه باخدیلا داش گوردولر
عاشقه معشوقی ویروب امتیاز
ساخلا (( کلامی )) بو غنیمت دمی
وار یری یاندیرسا سؤزون عالمی
بانی اولوب ساجدی و خاتمی
فاطمه دور مشتری ، سن نوحه یاز
- چهارشنبه
- 18
- مرداد
- 1402
- ساعت
- 1:11
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه