شیعه اول آماده محرم گلوب
قلب احبّایه گنه غم گلوب
بوغمده سینه/داغلاحسینه
گی قاره کوینک/آغلاحسینه
حامی خط شه آزاده اول
عاشق وارسته ودلداده اول
بوقاپوداسعی ایله افتاده اول
بزم عزاقورماقاآماده اول
چونکه بوآی نالیه خاتم گلوب
شیعه لرایام عزاباشلانوب
غصّهٔ جانسوزونواباشلانوب
ماریه دشتینده بلاباشلانوب
عترت اطهاره بُکاباشلانوب
جدینه مهدی دوتاماتم گلوب
اسدی بوآی بادجفاگلشنه
صدمه یتوبدورچمن وسوسنه
ارض وسمانی گتوروب شیونه
فرصتی ویردی فلک اهریمنه
آل عبایه غم اعظم گلوب
واریری قان آغلاساجن وبشر
سوگ حسین بن علیده اگر
قاره گیوب اهل عزاسربه سر
ای وای آقاسسلوری شام وسحر
دسته چیخوب یاسه مسلم گلوب
کرب وبلاسینه ی سینا اولوب
نورحسین اورداهویدااولوب
تربتینون رتبه سی اعلا اولوب
مدفن پاک گل زهرااولوب
آلماقادم عیسی مریم گلوب
ای شهدا سیدی عطشان حسین
خسرودین مهر درخشان حسین
شیعه لراولسون سنه قربان حسین
ایله عزاداریوه احسان حسین
یاسیوه چوخ دیده سی پر نم گلوب
سن که آقامنبع احسان سن
نورخداحجت یزدان سن
جسمه صفاروحیلره جان سن
درددل امته درمان سن
درگهیوه من کیمم عالم گلوب
ای هامی بیچاریه چاره ائدن
یاری نجه خصم آیروب یاریدن
شرم ائدورم حضرت داداریدن
من نه دیوم شمرجفاکاریدن
زینب اوگوداله قدی خم گلوب
گوردی حسینی دئدی جان قارداشیم
اولموسان اوخلاره نشان قارداشیم
دورسسیمه سس وئراویان قارداشیم
زینبه وئرتاب وتوان قارداشیم
غم قالانوب قلبیمه هردم گلوب
آغلاگوزوم یان اورگیم بوغمه
شاجری گوزیاشیوی دوندر یَمه
دلده حسین آدینی قیل زمزمه
صدقیله یالوار دئ سوزون پرچمه
دادیوه چون صاحب پرچم گلوب
- چهارشنبه
- 18
- مرداد
- 1402
- ساعت
- 1:35
- نوشته شده توسط
- یوسف اکبری
- شاعر:
-
حاج رحمان شاجری زنجانی
ارسال دیدگاه