به سبک (از نگاه یاران به یاران ندا میرسد)
قلبیده صفا وار/نوا وار/اورک دینجلوب
اشرف خلایق/محمد/جهانه گلوب
آخر اولدی شیطان/پریشان/گورنده یوزون
تیر حُسنی قلبِ/شقی سین/دگنده دلوب
*مولای من آقای من یا مصطفی یامصطفی*
گلشن حقیقت/طراوت/تاپوب تازه دن
تاقدم قویوبدی/یر اوسته/بو سیمین بَدن
دیلده قالمادی غم/دمادم/قناری اوخور
کسب فیض ایدوبدی/یقیناً/گوزل غنچه دن
گوسترنده خالق/جمال/ابالقاسمی
جلوه گر ایدوبدی/کمال/ابالقاسمی
حُسن کردگاری/عذاری/ویروبدی نشان
باشدان آتماروخ بیز/خیال/ابالقاسمی
ورد و ذکریمیزدی /یامولا/یامولا مدد
خلق کائناته/حیاته/اولوبدی دلیل
خلق اولاندا نوری/یوخیدی/نه نوح و خلیل
شأنه باخ وزیری/علیدی/شه لافتیٰ
عبد آستانی/اولوبدی اوزی جبرئیل
شهرتی دوتوبدی/جهانی/سالوب حیرته
باخ مقام و شأنه/وقاره/باخون عزّته
عالمینه رحمت/عنایت/ایدر مصطفی
غم گونونده یارو/مُعیندی/هامی امّته
ختم الانبیادی/آقادی/شه ماسوا
شأنی بی بدلدی/گوزلدی /اونا جان فدا
معدن سخادی/عطادی/اونون عادتی
بِیله دلربایه/آقایه/ دیون مرحبا
ورد و ذکریمیزدی /یامولا/یامولا مدد
(بیکَسه) بویوردی/اوز عشقی/بو الفاضی یاز
دامنین دوتانلار/جهاندا/اولار سرفراز
صحنه ی قیامت/شفاعت/ایدر بیزلره
لطف کبریادی /وجودی/شه چاره ساز
ایلَسه عنایت/کرامت/سجایاسیدی
بو علاقه بو شور/آقامین/عطایاسیدی
کیم کتاب و عترت/ولایت/یولوندا اولا
سَلسَبیل و کوثر/اوشخصین/هدایاسیدی
عبد کمترینوخ/غلاموخ/شه عالَمه
وارثی گلنده/هامی غم/تاپار خاتمه
بیر مدینه یازسا/پیمبر/بو عاشقلره
کربلا براتین/بقیعده/یازار فاطمه
ورد و ذکریمیزدی /یامولا/یامولا مدد
- چهارشنبه
- 18
- مرداد
- 1402
- ساعت
- 23:47
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه