عشقین یولوندا جانی_جانانیلن تانیللار
چون وادیِ منانی_قربانیلن تانیللار
اسلام و اهلبیتی_قرآنیلن تانیللار
آیاتِ محکماتی _سبحانیلن تانیللار
کافردی هر کیم ائتسه_قرآنه هتکِ حرمت
بو صهیونیست ایشییدی_آل یهوده لعنت
___
قرآنی یاندیرانلار...! بی اصل و بی نسبسوز
شیطانه اگمیشوز باش_عُمّال بیشرفسوز
توهین،حَقَه ائدیبسوز_از بس،که بی ادبسوز
آند اولسون اهلبیته_عباسیلن طرفسوز
طومارِ زندگیزی بی شک، جیرار ابوالفضل
هر کیم ائدوبدی توهین سیلی ویرار ابوالفضل
__
لعن ایلروک همیشه_بیز دشمنان پَسته
دنیانین هر یرینده _جمع اولسا دسته دسته
معیارِ اعتقادی_ائتسه اگر گُسسته
گر ویرسا اشعری لر_قرآنی نیزه اوسته
مانندِ ذوالفقارِ حیدر اَسر بو شیعه
اهریمنِ خبیثون_نسلین کسر بو شیعه
___
قرآنلا لشکر حق_میداندا سان ویروبدی
قرآن یولوندا چوخلار _دنیاده جان ویروبدی
یا حق دییوب جوانلار _عشقیله جان ویروبدی
قرآن بیزه مسیرِ _عزت نشان ویروبدی
قرآن کتاب حقدور _نازل اولوب رسوله
قرآنلا سربلندوخ_اولسون قسم بتوله
__
اسلام و مسلمینه _قرآن خَطِ اماندی
نوریله جلوه لنمیش_سرتاسرِ جهاندی
توهین ائدن جماعت_از نسلِ دشمناندی
دریانی چون ایت آغزی_ایتمز نجس عیاندی
سفیانیان کلامِ حقی اگر دانیللار
اسلام و اهلبیتی_قرآنیلن تانیللار
- پنج شنبه
- 19
- مرداد
- 1402
- ساعت
- 0:15
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه