آدون ابوالفضل دردلره دوادی
مریض عشقه تربتون شفادی
گوزل مزارون گورنه باصفادی
فدا اولوم سن تک دلاوره_صفا ویروب آدون ئورکلره
صفا سنوندی وفا سنوندی نوا سنوندی یا عباس
عباس یاور حسین(2)
__________
ئورکده عشقون واردی رشته رشته
چکوبدی نازون عرشیده فرشته
که عشقیوی بیز ویرمروق بهشته
فدا اولوم سن تک دلاوره_صفا ویروب آدون ئورکلره
صفا سنوندی وفا سنوندی نوا سنوندی یا عباس
عباس یاور حسین(2)
__________
سنی گورنده هامی دینجلردی
یوزون غبار غصه نی سیلردی
آدون گلنده زینب عشق ایلردی
فدا اولوم سن تک دلاوره_صفا ویروب آدون ئورکلره
صفا سنوندی وفا سنوندی نوا سنوندی یا عباس
عباس یاور حسین(2)
__________
اسردی دشمن صولتیندن عباس
آت اوسته سرو قامتیندن عباس
قاچاردی لشکر هیبتوندن عباس
فدا اولوم سن تک دلاوره_صفا ویروب آدون ئورکلره
صفا سنوندی وفا سنوندی نوا سنوندی یا عباس
عباس یاور حسین(2)
__________
گوزللر ایچره چوخ گوزلسن عباس
یقین ادبده بی بدلسن عباس
هویت بین المللسن عباس
فدا اولوم سن تک دلاوره_صفا ویروب آدون ئورکلره
صفا سنوندی وفا سنوندی نوا سنوندی یا عباس
عباس یاور حسین(2)
________
دوتوبدی عشقون ارضیلن سمانی
گتیردی شوره پیریلن جوانی
اولوب ابوالفضل شهرتون جهانی
فدا اولوم سن تک دلاوره_ صفا ویروب آدون ئورکلره
صفا سنوندی وفا سنوندی نوا سنوندی یا عباس
عباس یاور حسین(2)
- پنج شنبه
- 19
- مرداد
- 1402
- ساعت
- 0:16
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه