شب ولادت زینب جهان چراغاندی
شب سرور و شب جشن اهل ایماندی
اولوبدی زینتِ نام پدر،گوزل آدی
حسن حسین سویونور،مرتضی ثناخواندی
و ان یکاد اوخویور مصطفی بو ناز بالیا
گلوبدی عالمه بیر قیز که درده درماندی
عقلیهُ العرب اولاماق یاراشمز هر خانیما
بو فاطمه قیزی، علامه ی او دوراندی
شبِ ولادتِ زینب ملک اولوب خُرّم
بهشتده ،هاجریلن آسیه خُراماندی
دولوبدی باغِ جنان، بوی عطر زینبدن
جهان معطر اولوب، وحی ایوی گلستاندی
دوشوبدی بازی فوتبال عَجبدی بو گجه یه
خدا ئوزی نظر ائتسه برنده ایراندی
دعای ملتمیز بدرقه ائدوب تیمی
یقین دعالره آمین دیین، شهیداندی
همیشه عرصه ده،رسوا اولوبدی آمریکا
بیزیم جوانلاریمیز چونکه مرد میداندی
- پنج شنبه
- 19
- مرداد
- 1402
- ساعت
- 0:33
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه