گاهی گورک سوز دلده،صاف و ساده اولسون
اَلده قلم ، سوز یازماقا، آماده اولسون
گاهی عبادت ائتماقا حَیِّ ، وَدودی،
حتما نباید مُهریلن سجاده اولسون...!
سن(یاعلی)ذکرین دی،ثبت اولسون عبادت
آوازه سی، تا عالم معناده اولسون.....
حیدر آدین کیم سَسلَسه ، زهرا وئرر سَس
ایسته مدد،تاثیری فوق العاده اولسون
بو خانواده نوریدی،نورُ علی نور
وار شرطی! عُشّاقی گورک آزاده اولسون
باش اگمدی ظلمه علی،باشدان گیچوب تا
باشدان باشا، اولادی آقازاده اولسون
- پنج شنبه
- 19
- مرداد
- 1402
- ساعت
- 0:42
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه