بلبللر گول اوسته ائدوللر گوزل زمزمه
یادگار حیدر گوز آچدی بو گون عالمه
حیدرین بالاسی گلدی
دردلرین دواسی گلدی
_____
آسمان عشقه _یاراتدی_ قمر لم یزل
عالمه قویوبدی _قدم هر_ گوزلدن گوزل
گوزلری آلادی_ئوزون قول_دوداقلار عسل
شیعه نون آقاسی گلدی
دردلرین دواسی گلدی
____
سویلوری آناسی_بالامی_قوجاقه آلام
بوینونا دعای_گورک_ان یکادی سالام
باشیمی اوجالدار_اوجالدار_اوجابوی بالام
الیمون عصاسی گلدی
حیدرین بالاسی گلدی
_____
باغ عشقه گلدی_صفای_چمن بو گجه
دوره سین آلوبدی_حسین و حسن بوگجه
کربلا جوازین_آلوب هر_گلن بو گجه
دیللرون صفاسی گلدی
حیدرین بالاسی گلدی
_____
چوخ گورملی تعریف_ ائدوللر_ بهشتین باغین
مین بهشته ویرمم_ ابوالفضل _سنون دیرناقین
گورسه لر جمالین_ گوزللر_کسر بارماقین
دین حق فداسی گلدی
دردلرین دواسی گلدی
___
عرشیده ملکلر_اولوبلار_آدین ازبری
یوسف اولدی خال_لبیوه_سنون مشتری
درگهینده حاتم_اولوب نو+کرین نوکری
شیعه نون آقاسی گلدی
دردلرین دواسی گلدی
___
مرتضی بویوردی_حسینه_بالام یار اولار
اهلبیته عباس_جهاندا_هوادار اولار
کربلاده بیر گون_بو اوغلوم_علمدار اولار
گوزلرین ضیاسی گلدی
دردلرین دواسی گلدی
______
عاشقین ویروبسن_حسینجان_سن هرزادینی
عاشقلری یوم الابوالفضل دییر آدینی
عشقیله اوجالدار_اوگون عرشه فریادینی
سقای حرم ابوالفضل
دریای کرم ابوالفضل
- پنج شنبه
- 19
- مرداد
- 1402
- ساعت
- 0:59
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه