مَدفَن اوُلدی سَنه بُو گُوشهء وِیرانَه رُقیَّه
آیریلُور فاطمه سَندَن، گلوب اَفغانه رُقیَّه
اِی قُولی باغلی وِئرن جان بُو قُوری یِردَه اوُیان دور
بُو غُریَب ئولکِه دَه یاتما بِلَه یالقیز، دور آمان دور
عَمّه لَر گِیتدی باجی آز مَنی سَن ساخلا یُوبان دور
باغَرِیمی بیر بِلَه دُوندرمَه مَنیم قانه رُقیّه
شامَدَن رُخصَتِ رِجعَت وِئریلُوب دور أسرایَه
دور باجی قافلَهء غَم گِیدوری کَرب و بَلایَه
اَکبَرِین مَرقدی مَنظُورِدی بُو آلِ عَبایَه
گِیدِی سَن دور گِیداخ اوُل مَحضَرِِ جانانَه رُقیَّه
بُلبُل آیریلماز اَگر قُویسالا گُل فَصلی چَمندَن
مَنه گُلشندی باجی گُوشهء وِیرانَه وَطندَن
دُونمَرَم مَندَه بُو وِیرانَه دَه گر قُویسالا سَندَن
باغبان اوُلام ئوزُوم مَن بُو گُلستانَه رُقیَّه
جان وِئرَن حالُوی مََدَّ نَظَر اِیلوب یانارام مَن
شُُعلهء شَمع فَراقُوندا یانُوب اوُد لانارام مَن
سَنه قان آغلارام، ئوز دَردیمی آسان سانارام مَن
نِجَه پَروا اِیلَمَز یانماقا پَروانَه رُقیِّه
گَلمَیشُوخ شامه قُولی باغلی غَم و مَحنتیلَن بیز
قُوری یِرلَردَه نِشیمَن اِیلدوخ ذِلّتیلَن بیز
گِیدیروخ اِیمدی وَلی یَثربَه چوخ حَسرتیلَن بیز
دور سَن اوُل هَمرَه و هَمنالَه بُو نالانَه رقیّه
سنیدون شامه گَلندَه باجی هَم مَحملیم آخَر
هَم اَنیس غَم و هَم مُونِس دَردِ دِلیم آخَر
گِجَه گُوندوز یِری وار نالیه نِی تَک گَلَیم آخَر
یِتیرَم شیوَنیلَن عُمریمی پایانَه رقیّه
وِئردی هر دوردَه، دوران بیزه هَر دَرد و مُحن وار
اِیمدی بُو غُصّه لی دِللّردَه باجی عَزمِ وَطن وار
دور گِیداخ قُوللاریمیزدا نَه دوشاخَه نَه رَسَن وار
نَه اَسیروخ داخی بُو فُرقهء عُدوانه رقیّه
واردی نَه شِمر و سِنان اِیلَمَه وَحشت باجی جان دور
ساربان یُوخ اِیدَه یُوللاردا اَذیَت باجی جان دور
گِچدی بیردَه او اوُلان رَنج و مَشقَت باجی جان دور
وورا بُولمَز داخی بُوندان صُورا بیگَانه رقیّه
آچیلوب قِیدِ اِسارَت دوزولوب مَحملِ ساتر
گِیدورَم یَثربَه دور اوُل مَنیلَه، سَندَه مُسافِر
نِگران دور باجی صُغرا گُوزی یُوللاردادی آخَر
دَگُول آگه سِتمِ گردِشِ دورانَه رقیّه
#ذوقی ئوز مَنزلون اِئت سَندَه عَزاخانه وَطندَه
دُوت عَزا اِیله نَوا گَلگَیلَن اَفغانَه وَطندَه
ذِکر اِیلَه دِیلدَه مُدام آغلا بُو عُنوانَه وَطندَه
مَدفَن اوُلدی سَنَه بُو گُوشهء وِیرانَه رقیّه
- سه شنبه
- 7
- شهریور
- 1402
- ساعت
- 23:53
- نوشته شده توسط
- یوسف اکبری
ارسال دیدگاه