یارالی بابا یارالی بابا
غریبه وقتده گلمیسن بو ویرانیه
صفا گتیرمیسن بابا بو غم خانیه
یارالی بابا
بالان اسیر ظلم اولوب دی آواره دی
گوندوزوموز بو شهر شامیده قاره دی
ووروبلا خیزران دوداقیوه یاره دی
یارالی بابا
کنج خرابه ده منیم باخ احوالیمه
کوفه و شامیده یانان پر و بالیمه
اهل خرابه آغلیور منیم حالیمه
یارالی بابا
شامیده بزم ماتم و عزا قورموشام
آند اولا جانیوه بو جان دن دویموشام
روز و شب آغلییب اوز عمه می یورموشام
یارالی بابا
دوشور خیالیمه گینه غم کربلا
او دم کی ذکریم اولموشیدی وا ویلتا
غارت اولوب حرم لرین سویولدی بابا
یارالی بابا
باغلادیلار نه ظلموله ره چاره می
یاندیریب اهل کوفه قلب صد پاره می
سویدولا اکبریم آلان او گوشواره نی
یارالی بابا
کرب و بلا ده ساربان یوراردی منی
زجر ووراردی شمر دون ووراردی منی
آت دوشونه کوفه لی لر سالاردی منی
یارالی بابا
باش سیز اولان بدن لری گوروب قوخموشام
حرمله نین شقاوتین گوروب قوخموشام
شمرین الین ده خنجرین گوروب قوخموشام
- یکشنبه
- 19
- شهریور
- 1402
- ساعت
- 14:21
- نوشته شده توسط
- یوسف اکبری
ارسال دیدگاه