☑️بند اول
سائل نا لایقم درباریوه یول سالمیشام
افتخاریمدور شها کویوندا نوکر قالمیشام
هر نییم واردی رقیه ال لرین نن آلمیشام
(((سالار زینب ، سالار زینب)))
☑️بند دوم
من خمار نشعه ی عشقم مرید ساقی ام
پیرو راه ولایم اوز سوزومده باقی ام
جنتی زاهد سویر من کربلا مشتاقی ام
(((سالار زینب ، سالار زینب)))
☑️بند سوم
گویلوم ایستیر کربلاده اصغره لای لای دییم
گویلوم ایستیر قتلگه ده وای حسینیم وای دییم
گویلوم ایستیر حجله گه ده قاسمه ای وای دییم
(((سالار زینب ، سالار زینب)))
⚫️
☑️بند چهارم
یاد او گون نن کنج ویرانه اولوب جنت سرا
سالدی یول ویران سرایه راس شاه کربلا
تا او باشی گوردی شه زاده رقیه سسلدی
قان اولان باشه دوداقه من اولوم قربان بابا
(((ای وای یارالی ، ای وای یارالی)))
☑️بند پنجم
وار یری دیلده لوای محنت و اندوه آچام
بو سیخیلمیش قلبیمه مین تیر درد و غم ساچام
ضعف دن تیتریر الیم بابا نچه وقتدور آجام
(((ای وای یارالی ، ای وای یارالی)))
☑️بند ششم
قوی دییم بو شامین اهلی باشیمه گتدی نلر
اولدی منزل عترت آل اللهَ ویرانلر
بی دوا قالدی ایاخدا ، الده ، باشدا یاره لر
(((ای وای یارالی ، ای وای یارالی)))
☑️بند هفتم
باشیوه اولسون تصدیق بو گوورمیش ال لریم
وئر اجازه قانلی لب لردن اوپوم بیر دینجلیم
هر یانا گئتسن بابا وئر بیر خبر منده گلیم
(((ای وای یارالی ، ای وای یارالی)))
☑️بند هشتم
قتلگه ده بی خبر بیزلردن آیریلدین نیه
اینجیمیشدی خاطرین نازلی قیزیندان اولمیه؟
من قریبیدیم مگر مهمان گئتدین خولیه؟
(((ای وای یارالی ، ای وای یارالی)))
☑️بند نهم
جانی ترک ایلیب بابا وصل نگاره چاتمیسان
لوح زیبای رخوندا رنگی رنگه قاتمیسان
بیر گئجه خولی ائوینده کول لر اوسته یاتمیسان
(((ای وای یارالی ، ای وای یارالی)))
☑️بند دهم
گور نه زیبادور باشین گویا خسوف اولموش قمر
گولمییب اهل و عیالین گوز یاشین یکسر الر
آلتی آی غملی ربابین رنجی اولدی بی ثمر
(((ای وای یارالی ، ای وای یارالی)))
☑️بند یازدهم
کربلا دن شامه جان یکسر دییب ای وای اوغول
چخمیری یورقون سسی از بس دییب دور وای اوغول
نیزه ده اصغر باشین گورجاخ دییب لای لای اوغول
(((ای وای یارالی ، ای وای یارالی)))
☑️بند دوازدهم
کربلا ده دشمنین هر مقصدی گلدی اله
قاره یل اسدی بابا ضل بلا توشدی چوله
اوچ پر اوخ اوتدی هدف ده کامه چاتدی حرمله
(((ای وای یارالی ، ای وای یارالی)))
☑️بند سیزدهم
من بلا دشتین ده ظلم اشقیادن قوخموشام
خیردا قیزلاری ووران لاردان جفادن قوخموشام
باشیوی شمر کسن وقتده قفا دن قوخموشام
(((ای وای یارالی ، ای وای یارالی)))
☑️بند چهاردهم
من بلا دشتین ده زجر و ساربان نان قوخموشام
کربلا ده خیمه لر اوت دا یانان دان قوخموشام
اوچ پر اوخ دان نیزه دن تیر و کمان دان قوخموشام
(((ای وای یارالی ، ای وای یارالی)))
☑️بند پانزدهم
شام راهین ده ییخیلدیم ناقه دن بابا یره
همدمیم خار مغیلان اولدی دوشدوم تا یره
مدرک عشقیدی قانیم اولدی رد پا یره
(((ای وای یارالی ، ای وای یارالی)))
☑️بند شانزدهم
سن دئمه سیل بلا سد توانی ییخمادی
سن دئمه جور و ستم آزرده قلبی سیخمادی
بعضی خار ائیله یرین آلمیشدی بابا چیخمادی
- یکشنبه
- 19
- شهریور
- 1402
- ساعت
- 14:22
- نوشته شده توسط
- یوسف اکبری
ارسال دیدگاه