☑️بند اول
باشیمدا گینه حرم هواسی
وار عشق حسین و کربلاسی
دیل لره اوت سالیبدی نینواسی
آغلییرم اورگیمین غمینده
واردی گوزوم آقامین کرمینده
قسمت اولا سورونم حرمینده
دردیمین دواسی حرمیوین فداسی
منه عنایت ائیله آقالارین آقاسی
(((حسین ثار الله ، حسین ثار الله)))
☑️بند دوم
بیر گون اولار سنه فدا اولارام
حاجتیمی بو قاپیدان آلارام
اوز یولومی حرمیوه سالارام
اوردا دوتار اورگیم شوریله احساس
سسلییرم اوجادان ایها الناس
قویدی آنام آدیمی کلب العباس
وفالی نوکرم من مرید حیدرم من
یازین مزاریم اوسته کلب اصغرم من
(((حسین ثار الله ، حسین ثار الله)))
☑️بند سوم
اربابیم قاپین دا بیر گدایم
بیگانه دییرم آشنایم
محتاج حرم کربلایم
بیر یول آقا سنی حرمت زهرا
قسمت ائله برات پایین پا
اوردا دوتاخ اکبره بیر عزا
دردیمه دوا وئر اورگیمه صفا وئر
سنی علی اکبر برات کربلا وئر
(((حسین ثار الله ، حسین ثار الله)))
- یکشنبه
- 19
- شهریور
- 1402
- ساعت
- 14:43
- نوشته شده توسط
- یوسف اکبری
ارسال دیدگاه