☑️بند اول
گینه الله عالم دوندی جنانه
آچیب بیر گول افضلدی گلستانه
هامی اهل دنیا اولدی خرامان
ربابین دلبندی گلدی جهانه
ماهه بنزر گلدی عشاقه سرور گلدی
عالمین اربابی شهزاده اصغر گلدی
دردلرین درمانی جانلار اولا قربانی
نوه ی حیدردی مولا حسینین جانی
گوزل لردن گوزلدی گوزلدی بی بدل دی
اوپور مولا دوداغین دییر همچون عسلدی
?مدد یا علی اصغر / مدد یا علی اصغر
☑️بند دوم
خدا اهل عشقه بیر آی وریبدی
رُخ زیباسین ماهه تای وریبدی
گوزل دی گوزلری خلاق داور
ربابه بو مولودی پای وریبدی
صورتی زیبادی طلعت ده بی همتادی
هم ربابه دیلبر هم دیلبر مولادی
حُسن ده دریادی اصغر گُل بابادی
بولور اهل عالم عشق دل سقادی
آدی دیللرده جاری اودی عالم قراری
حسینین نور چشمی ربابین نوبهاری
?مدد یا علی اصغر / مدد یا علی اصغر(ع)
☑️بند سوم
اولان ای گول آدین دیللرده رایج
آلیب درگاهوندان چوخلار نتایج
دوشن وقتده شیعه بحر بلایه
اورکدن سسلر یا باب الحوائج
ای مه تابنده گون تک اولان رخشنده
باب جود و احسان شه لر قاپیندا بنده
ای کرم دریاسی شیعه لرین مولاسی
گلشن زهرانین بیر غنچه ی زیباسی
بیزه ائیله عنایت سن ای باب کرامت
وئر آقا عیدیانه برات بیر زیارت
?مدد یا علی اصغر / مدد یا علی اصغر
☑️بند چهارم
دئمه دیلده مولا هجره دوزوم وار
ئورکده یا علی اصغر سوزوم وار
اماندور آقاجان ائيله نظاره
کرملی الینده مولا گوزوم وار
گوهر پر قیمت ای قانی عرشه زینت
خیمه گاهی مولا بو جمعه ائيله قسمت
عالمه پیرایه عشقین بیزه سرمایه
سالما گوزدن مولا وئروخ قسم زهرايه
دل و جانه صفا وئر هامی درده دوا وئر
عمون عباسه خاطر برات کربلا وئر
?مدد یا علی اصغر / مدد یا علی اصغر(ع)
- چهارشنبه
- 22
- شهریور
- 1402
- ساعت
- 23:59
- نوشته شده توسط
- یوسف اکبری
ارسال دیدگاه