☑️ بند اول
السلام ای یاد دلبر السلام ای شاه و سرور
ورد و ذکر نوکریندی جانم حیدر جانم حیدر
دیل آدین نان منجلی دی عشقین آقا ازلی دی
بو گجه دیل لرده ازبر ذکر یا مولا علی دی
? یا علی حیدر مدد / یا علی حیدر مدد
☑️ بند دوم
سنله تاپدوخ بیز شرافت ای امیر با کرامت
عیدیانه ایستیروخ بیز دوتموشوخ جشن ولادت
دیللره ذوق و صفا وئر درد عشاقه دوا وئر
سائلوخ مولا قاپیندا بیر برات کربلا وئر
? یا علی حیدر مدد / یا علی حیدر مدد
☑️ بند سوم
سنگ خارا گوهر اولماز کرکسه زیبا پر اولماز
مقتدا چیخماز عدودان اُمــَــوی دن رهبر اولماز
عاقل و دیوانه سسلر سسلییر گویده ملک لر
عرشینه الله یازیب دی بیر فقط حیدر دی رهبر
? یا علی حیدر مدد / یا علی حیدر مدد
☑️ بند چهارم
ای تمام حــُــســنَ دارا جلوه ی حق سنده پیدا
اولدی یوسف لر اسیرِ گل جمالین شاه و مولا
چوخ کرامت واردی سنده قویما دیل یانسین مــُــحــَــن ده
بیر محرم دعوت ائیله سوروناخ بین الحرمده
? یا علی حیدر مدد / یا علی حیدر مدد
- پنج شنبه
- 23
- شهریور
- 1402
- ساعت
- 0:18
- نوشته شده توسط
- یوسف اکبری
ارسال دیدگاه