?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند اول
یتیش منیم دادیمه باجی
اوت دوتوب دیلیم یاندی
جگرلریم پارچالانیب
لبلریم الولاندی
عیان اولوب آیریلیخ دمی
گَل کی فصل هجراندی
سارالمیشام گُل کیمی چاتیب
موصم خزان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️بند دوم
ائله یانیر دل دوداغیم
جسمیم اوت دوتوب گویا
یتیب دی جانیم دوداقیمه
منده قالمییب یارا
دوشور نفس تنگه سینه ده
سسلیرم نه نه زهرا
یولومی جنت ده گوزلوری
اولما ناگران زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند سوم
اماندی طشت حاضر ائله
حالتیم یامان اولدی
اسیبدی گَل صرصر خزان
عمرومون گُلی سولدی
نه حالیدور بولمورم باجی
آغزیم ایچره قان دولدی
گئدیب رمق قالمیب منه
طاقت و توان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند چهارم
روادی گر تیر درد و غم
قلب عالمی دلسین
بلا چکن قارداشین گئدیر
قبر ائوینده دینجلسین
شرار غمده یانان باجی
وئر خبر حسین گلسین
حسینی گورسم سونر دیلیم
آتشی اینان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند پنجم
باجی کچن روزگاریده
ورمیشم سنه زحمت
اوتور سنه درد دل دییم
تا اولوم بیر آز راحت
دیلیمده اندوهی آرتیریر
آیری بیر غم و محنت
ولی ائشیتسن بو سوزلری
صبر ائله دایان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند ششم
خدا بولور عالمین غمین
غملی جانه آلدیم من
ویراندا ثانی آنامیزی
آیری حاله قالدیم من
قیامت اولدی او کوچه ده
غصه دن قوجالدیم من
سمایه چخدی بو سینه دن
آه و الامان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند هفتم
گورن زماندان او صحنه نی
ای محبتین کانی
قراریم الدن گئدیب باجی
اوتموشام اورک قانی
آغیر الیله آنامیزی
ویردی بی حیا ثانی
پیمبرین نور چشمینه
وئرمدی امان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند هشتم
نچه زمان دی بو سِّره من
دیلده چکمیشم پرده
دینمیرم گورموشم نلر
توشموشم نجه درده
باخاندا گوردوم کی ظلمدن
گوشواره وار یرده
اولونجه اولدی او یر منه
غصه لی مکان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند نهم
باجی دونر بیر زمان سنین
گوندوزون شب تاره
بلا چولی منزلین اولار
توش اولار گولون خاره
حسینیمه کوفیان ویرار
قتلگه ده چوخ یاره
اولار یاریم گونده قامتین
ظلمیله کمان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
☑️ بند دهم
او چولده آلامی قلبیوین
اِی باجی تاپار کثرت
نه اصغره سو تاپیلار
نه حسینیمه خلعت
قوتولمامیش جور شمردن
خیمه لر اولار غارت
سالار تمام جهانه اوت
ظلم ساربان زینب
?? آنام باجی گل هرایمه
باغریم اولدی قان زینب
سو ایچمیشم لبلریم یانیر
یاتما دور اویان زینب ??
- شنبه
- 25
- شهریور
- 1402
- ساعت
- 0:15
- نوشته شده توسط
- یوسف اکبری
ارسال دیدگاه