☑️ بند اول
سینمی بالا داغلاما چاره یولومی باغلاما
رحم ائله منه آغلاما آغلاما یات
قالمیشام اوغول آواره دردیوه تاپیلمیر چاره
منده یانیرام بو ناره آغلاما یات
آغلاما علی گوروسن آغلیر آنان
آغلاما علی بو قدر ائتمه فغان
آغلاما علی دیلیوی وئرمه نشان
? آغلاما یات / آغلاما یات
☑️ بند دوم
نار عطشه تاب ائیله آز اوزوی بیتاب ائیله
سینم اوسته گَل خواب ائیله آغلاما یات
شرر عطشدن اصغر نیمه جان اولوبسان آخر
گُل مثالی اولدون پرپر آغلاما یات
آغلاما علی اورگیم درده گلیر
آغلاما علی تیر غم قلبی دلیر
آغلاما علی محنتیم تازه لنیر
? آغلاما یات / آغلاما یات
☑️ بند سوم
سنده دوز بو درده منده سندن اولموشام شرمنده
رحم یوخ بالا دشمنده آغلاما یات
بوردا قوناقی یوخلالار درد و غمینی چوخلالار
کیم سو ایسته سه اوخلالار آغلاما یات
آغلاما علی آناوین حالینه باخ
آغلاما علی یاندیریب آز منی یاخ
آغلاما علی بئله چالما ال ایاخ
? آغلاما یات / آغلاما یات
☑️ بند چهارم
عمرومون گل زیباسی موج ائدیب بلا دریاسی
داده سسلیاخ عباسی آغلاما یات
دیللره توشوبدی آدی خیمه سینده بیر غوغادی
سو وئرر عمون سقادی آغلاما یات
آغلاما علی بو قدر ائتمه تلاش
آغلاما علی آنان اولسون بالا کاش
آغلاما علی سینمی ائتمه خراش
? آغلاما یات / آغلاما یات
- شنبه
- 25
- شهریور
- 1402
- ساعت
- 0:29
- نوشته شده توسط
- یوسف اکبری
ارسال دیدگاه