☑️ بند اول
ای حق مطلق یاعلی
حق و مع الحق یاعلی
بدر و حنینین فاتحی
سردار خندق یاعلی
عرض و سمایه مقتدا
هر مطلبه آگاه سن
یار و انیس المومنین
معناده باب الله سن
زوج بتول عشق خدا
حیدر ولی الله سن
ای امیر عالمیان حیدر
سنه نوکر لیغیمدی اوج شرف
اورگیمده همیشه وار عشق
حرم و صحن باصفای نجف
یا حیدر حرمین بی همتادی
زوارین شب جمعه زهرادی
? یا حیدر علی مولا یا حیدر
☑️ بند دوم
ای دخت ختم الانبیا
هم کف شاه لافتی
حجب و حیانین معدنی
ای مادر خون خدا
کیم اولسا یاور حیدره
اولماز دیلینده واهمه
زهرادی ،حیدر اولماغا
دنیاده تنها لازمه
مدیون لطفوندی یقین
کل جهان یا فاطمه
الی بوش گلمیشیخ بو درگاهه
سنه محتاجیخ ای شرف کانی
گوزوموز وار قاره علم لرده
کرم ائیله زینبیوین جانی
یا زهرا ای علینین دلداری
ای حقین ازلی پرچمداری
? یازهرا گل گلزار طاها
☑️ بند سوم
ای صاحب جود و سخا
یا حضرت مشکل گشا
من سائل نالایقم
عباس یابن المرتضی
شاگرد رزم مرتضی
ای صاحب مشک و علم
شان و وقارین بی بدل
ای ساقی و میر حرم
گوزلر ضریحینده قالیب
ائیله بو عشاقه کرم
دیل آچانان چاغیرمیشام هردم
گوزل آدین ای یل با احساس
آچیلان وقتده قاره پرچم لر
دئمیشم قوربانین اولوم عباس
اربابیم گوزل آقا جان آقا
جان اولسون آدیوا قوربان آقا
? یا مولا یا ابوفاضل مولا
☑️ بند چهارم
شهزاده ی عالی تبار
ای مجتبی دن یادگار
میدان جنگ و رزم ده
حیدر سن الده ذولفقار
ای نوجوان هاشمی
ای نامدارِ بی بدل
جان حسین بی علی
پور یل جنگ جمل
شیرین دی آدین شهد دن
عشقیندی اهلی من عسل
سن اون اوچ یاشدا شیر نر مثلی
اوجادیبسان بیرق اسلامی
ضربات تیغیویلن اولدی
درکه واصل ازرق شامی
ای سبط علی اعلا قاسم
ای نور بصر زهرا قاسم
? یا قاسم مددی مولا قاسم(ع)
- شنبه
- 25
- شهریور
- 1402
- ساعت
- 13:58
- نوشته شده توسط
- یوسف اکبری
ارسال دیدگاه