☑️ بند اول
یا حسین عشقیوه حیران‌دی بوتون عرض و سما
جانیمیز اولسون آقا مرقد شش‌گوشه فدا
نوحه خوان ، سینه ووران ، شاعر و عاشق لریوه
قیل کرم ای گوزل آدی هامی امراضه دوا
بولوسن روضه ده وار آیری بیر عالم لریمیز
حرمین آدی گلنده ، آخیر اشک تریمیز
بیز ابوالفضله مریدوخ ، او مراد اولدی بیزه
سائلانه آچیلیب درگهینه ال لریمیز
بو شعرینن اورگیم آچیلار عشق اولا جانانه
یازیب بو شعری کلامی ای شمع حرمخانه
? ای شمع حرمخانه....
☑️ بند دوم
چوخلارین دیلده آقا حاجتی وار مطلبی وار
غم الین نن یورولوب نی کیمی نای شبی وار
گینه اوزمَز الینی دامن پاکیزدن چون
کیمین عالمده کی هئچ کیمسه‌سی یوخ زینبی وار
بو خانم کی آدی زینب دی عزانین دوزودی
کنز عصمت دی ولایت گویونون اولدوزو دی
دولانیم باشینه من دوقّوز امام عمه سی دی
اگمئیب دشمنه باش ، حضرت زهرا قیزی دی
منور اولدی بو عالم لر نور بو کوکب دن
یاپیش اورک‌ده غمین اولسا دامن زینب دن
? ای ره وصلت آختاران ، سالما اوزون مشِقَتَه
قُوی قدم عشقی یاریلن دایره محبته
زینبیه عرض ایله خانم یولْلا منی زیارته
چونكه برات كربلا زینبین اللرینده دی
☑️ بند سوم
قاپیوین نوکریَم آیری کسیم یوخدی آقا
آتاوا قربان آتام اولسون آنام دا آناوا
نقدر یازسام آنان نان بولورم یازمیشام آز
اودی صدیقهءکبری اودی ناموس خدا
ولی زهرا آناوین قلبینی قان ائیلدیلر
اورگین تیر غم و درده نشان ائیلدیلر
گوردولر حق و حقیقت بیچیلیبدور بویانا
قامت سرو او بانونی کمان ائیلدیلر
علی یاناردی فراقین ده گلردی افغانه
دئیردی حیدری قویدون سن گور نه یانا یانه
? گونوز لر ائوده ائیلشیب یانان قاپینی باغلارام
یتیم اوشاخ لاریم باخار دیزلریمی قوجاخلارام
هامی ائوه گئدن زمان گلیب بقیع ده آغلارام
بقیع‌ده سنله دفن اولوب ائوین صفاسی فاطمه(س)
- یکشنبه
- 26
- شهریور
- 1402
- ساعت
- 22:22
- نوشته شده توسط
- یوسف اکبری
ارسال دیدگاه