نِجَه دُوزُوم دایانُوم گَلمِیُوم فَغانَه نِجَه
حُسینِ تَشنَه لَبَین اَربعینی دُور بُو گجه
سَحَر آچیلسا نَوائیلَه نِینَوا دُولاجاق
قِیامَت عالَمی عالَمدَه آشکار اوُلاجاق
نَوایَه نِی کِیمی سُکّانِ آسمان گَلَه جاق
او قَبرِ پاکَه نِچَه دَستَه کارِوان گَلَه جاق
حُسین دِیَه دِیَه گُوزُیاشلی شام اَسیرلَری
زِیارَتَه گَلَه جاق شِمر دَستگیرلَری
رُباب اَصغرَه لای لای دِیَه دِیَه گَلَه جاق
یَواش یَواش بالام اِیوای دِیَه دِیَه گَلَه جاق
عَرُوس اوُد سالاجاق حَسرتیلَه اِیجادَه
فغانیلَه گَلَه جاق اَربَعینِه دامادَه
شَرارِ حَسرتیلَه لِیلی سِینَه داغلیَه جاق
علیّ اَکبرَه پایین پادَه آغلیَه جاق
بُیُوک لَر آغلیَه جاق خِیردا قَبرِیدَه یاتا نا
لَبِ فَراتیده لَب تَشنَه قانِینَه یاتا نا
باتُوب فَغانیلَه کُلثُوم تازَه بیر یاسَه
سِرِشگیلَه سَپَه جاق سُو مزارِ عَبّاسَه
خدابُولَر نَه حالَه علی قِیزی قالاجاق
اوُزُون نِجَه اوُگُوزَل مَدفَن اوُستُینَه سالاجاق
دِلِیندَه نالَه اَلیندَه حُسین پیرَهَنی
نَه نُوعی اوُخشیَه جاق او شاه مُمتَحَنی
یُوزُوندَه گُوزیاشینی قَطره قَطره سان وِیرَه جاق
کَبُود اوُلان بَدَنین قارداشا نِشان وِیرَه جاق
دُویُونجَه آغلِیَه جاق گُوزیاشین رَوان اِیدَه جاق
رُقیّه حالینی قارداشینا بَیان اِیدَه جاق
حُسینِینَه دِیَه جاق تِیکمَه چُوخ گُوزُوِی یُولا
خَرابَه دَه بالام ئولدی سَنُون باشُون صاق اوُلا
اوُنُون اوُحالِینَه تا وار جَهان جَهان یاناجاق
وَلیّ عَصرِین اوُلوب اَشگِ چِشمی قان یاناجاق
مُجَسم اِیلِیَه جاق #نجمی حالِین آغلِیَه جاق
رُقَیّه وای دِیَه جاق غَملَه سِینَه داغلِیَه جاق
- شنبه
- 22
- مهر
- 1402
- ساعت
- 20:7
- نوشته شده توسط
- یوسف اکبری
- شاعر:
-
مرحوم نجمی تبریزی
ارسال دیدگاه