عَجب جَسُورِیدی یابن حَسن سِپاهِ عَراق
بُلَه دُیَردِیلَه مُنشِی لَرَه گُوزوندَن اِیراق
بِیرِی دِیردِی یازُون بُو سّنانی مَن وِردِیم
بِیرِی دِیَردِی بُو کارِی یارانی مَن وِردِیم
بِیرِی دِیَردِی باخُون سَجدَه گاهَه قانی آخُور
یازُون حُسینُه او سَنگِ جَفانی مَن وِردِیم
بِیرِی دِیَردی باخُون غُصّه لِی اوُرَک باشِنا
او تِیرِ دِل شِکَن و جان سِتانی مَن وِردِیم
بِیرِی دِیَردِی بُو غازِین دا نِیزَه مِین یِری وار
دُوشَندَه سَجدِیَه شَه ناگَهانی مَن وِردِیم
بِیرِی دِیَردِی اَبُولفَضَلی مَن کِمین اِیلدِیم
نَظیرِ بازُوی خِیبَر گُشانی مَن وِردِیم
بِیری دِیَردی مَنیم باشدا ثَبت اوُلسُون آدِیم
یازِوّن حُسینی قُوجالدان جَوانی مَن وِردیم
بِیرِی دِیردی مَنی باشدا یاز که حَرمَلِیَم
یادُوزدا قالسُون او دِل سِیز بالانی مَن وِردِیم
بِیرِی دِیَردی یازُون شِمر وِردی خِیمِیَه اوُد
چخاندا عِترتِ خِیراَلنِسانی مَن وِردِیم
بیری دِیَردِی آلان وَقتَه گُوشوارشَه لَرین
یازسون او دُختَرِ شِیرین زَبانی مَن وِردِیم
بیری دِیرِدَی سُویاندا یَتشِیمَه قِزلاری مَن
قُولِین قَباقَه وِیرَن بِینَوانی مَن وِردِیم
اَیا اِمامِ زَمان یاز مَنِیمدَه خِدمَتیمی
هَمیشَه سَر گُلِ باغِ عَزانی مَن وِردیم
نَه وار بُو سِینمون اوُستُندَه سَن ئوزُون بُلوسن
سِیزُون قاپُوزدا بُو عالی نِشانی مَن وِردُیم
او'لوبدی #منزویه ذِکرِ مُحَنَت اِستغفار
که فالِ خِیر ئوزُومَه مَن بُکانی مَن وِردیم
- شنبه
- 22
- مهر
- 1402
- ساعت
- 20:12
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه