ایراندی پادگانیم سرباز حیدرم من
قان رگلریمده سسلر خونخواه رهبرم من
سید علی ،علی دن آلمیشدی درس غیرت
گیدی کفن بویوردی ای طالبانِ عزّت
هر کس حسینی اولسا ایتمز یزیده بیعت
به به بئله امامی جاندان چوخ ایسترم من
اهل جمل ایشتسون ،خصم دغل ایشتسون
حُکّامِ سازمانِ ،بین الملل ایشتسون
بو شیعه بُت شکندی لات و هُبل ایشتسون
ایران دییَر سراسر ،باش ظلمه اگمرم من
خوش حالوزه شهیدلر سیز گورمدوز او حالی
دوشموشدی قتلگهده سید علی یارالی
سرخ اولدی آغ محاسن گول تک گولوب جمالی
آخر نفس دییردی سر مستِ کوثرم من
پیشمرگ اولوب او پیره ایمانلاری قوی لر
سردار پاکپور و سردار موسوی لر
گلسین دئ شعر یازسون فردوسی منزوی لر
سنگیندی بو مصیبت عاجز سخنورَم من
پیر حماسی ئولمز رحمت، هماسی ئولمز
بو هشتاد آلتی یاشدا ،دین رهنماسی ئولمز
ابتر یهودیلردی، زهرا بالاسی ئولمز
طاووسِ جنت اولدی، پا بوس سرورم من
به به گوزل گزینه دلخواه خبرگاندی
ئوپ دست مجتبانی بو رهبر جهاندی
گورسن یوزون دییرسن سید علی جواندی
دلداده ی ولایت یارِ بو دلبرم من
بیز پیروِ حسینوخ ،شمرِ زمانه بیلسین
اهلِ رسانه بیلسین ،خاور میانه بیلسین
کیم شک ایدور وقارِ ،ایرانیانه بیلسین
ای شمر امان گتورمه ،عباسه نوکرم من
گر چه یزیدِ دوران ،ظلم ایله دیخجا دویماز
عاشقلری حسینون ،رخت وفانی سویماز
ایرانلی لار اویاخدی ،میدانی خالی قویماز
ای شاهنامه خوانلار، افکاری مضطرم من
یابن الحسن اماندی ،گل آخر الزّماندی
لبنان اولوب کفن پوش ،قُدسون حالی یاماندی
سیلی وُران یهوده ، ایرانِ قهرماندی
ایران دییَر مرید آل پیمبرم من
- دوشنبه
- 21
- اردیبهشت
- 1405
- ساعت
- 0:5
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه