ای فاتِحِ دوران
ای قهرمان ایران
حیران قویان عالَملری، صبری
ای آدی جاویدان
جانیم سنه قربان
ای توپراقون دشمنلرین، قبری
عزّت وئریب الله سنه
باش اَگمیوبسن دشمنه
ایرانیم
ظالملری خوار ائتموسن
درده گرفتار ائتموسن
ایرانیم
مشهور اولوبدی عزّتون، ایرانیم ایران
چون واردی تایسیز ملّتون، ایرانیم ایران
ایرانِ من، ایرانِ من، ایرانِ زیبا
معیارِ غیرت سن
چوخ با صَلابت سن
ای داغ کیمی دائم اَیاق اوسته
کَنزِ سعادت سن
مَهدِ شهامت سن
اولدوق سنه دنیاده دلبَسته
مَردانِ مَردون وار سنون
شِیرِ نَبَردون وار سنون
ایرانیم
خَم اِیلَمه زانولَرون
وار با حَیا بانولَرون
ایرانیم
اولدی زبانزد غیرتون، ایرانیم ایران
چون واردی تایسیز ملّتون، ایرانیم ایران
ایرانِ من، ایرانِ من، ایرانِ زیبا
اولدون عجب مشهور
چَشمِ حَسودان کور
آدون دوشوبدی دیللره ایران
ای حَقّه پُشتیبان
حامیِّ مظلومان
اولدون دایاق چوخ ائللره ایران
بیگانه لردن قوخمادون
اسلامی زنده ساخلادون
ایرانیم
اولدون گوزل مأمَن منه
منده نِگهبانم سنه
ایرانیم
عالَم گوروبدی شوکتون، ایرانیم ایران
چون واردی تایسیز ملّتون، ایرانیم ایران
ایرانِ من، ایرانِ من، ایرانِ زیبا
بیز اهلِ ایمانوق
فرزندِ ایرانوق
بیز قویماروق دوشسون یئره پرچم
شاگردِ قرآنوق
دینه نِگهبانوق
قَلبونده ایران قالماسون هیچ غَم
قرآن بیزیم فرهنگیمیز
عبّاس اولوب، سَرهنگیمیز
ایرانیم
ذلّت لباسین گییمَروق
کافِرلره باش اَگمروق
ایرانیم
گوردی جهان حِیثییَتون، ایرانیم ایران
چون واردی تایسیز ملّتون، ایرانیم ایران
ایرانِ من، ایرانِ من، ایرانِ زیبا
- دوشنبه
- 21
- اردیبهشت
- 1405
- ساعت
- 0:33
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه