منیم امامیم حیدردی، بو افتخاریمدی
مُحبِّ آلِ زهرایم، علی شُعاریمدی
مطیعِ قرآن و دینم، اودور سَراَفرازم
یزیده بیعت ائتمَرَم، حسینه سربازم
وار منده شوریله احساس
درسیمی چون وئریب عبّاس
کیم آدین شیعه قویوبدی
حیدره چوخ اولار حَسّاس
سالوب منی بَنده
حیدری ام منده
حیدر یا حیدر (۴)
دییون آییلسون غافل لر ، بو اَمرِ داوردی
فقط امیرالمؤمنین، جهاندا حیدردی
اولار بهشتی هر کَسین، اوزی عَیاریندا
منیم بهشتیم یاتیبدی، نجف دیاریندا
شیعه ی مرتضی حیدر
اِمداده یا علی سَسلَر
سَسلَرم منده مولانی
قلبیمدن آیریلا غَملَر
علی دئنن سَنده
حیدری ام منده
حیدر یا حیدر (۴)
یهودِ ملعونه اولسون، بو سوزلریم هُشدار
خیال ائدور کی شیعه لر، یهودیدن قورخار
امامِ اَوّل قلعه زی، ییخان کیمی آسان
امامِ آخَرده ایلَر، تِلاویوی ویران
گَله جاق انتقام آلان
حضرتِ صاحبَ الزمان
گَلسه آقام اونی گورسَم
جانیمی ایلَرَم قربان
یازیبلا رزمنده
حیدری ام منده
حیدر یا حیدر (۴)
اگرچه ایرانیمیزا، یارا وُوران چوخدی
عقیده اوسته ئولماقدان، هَراسیمیز یوخدی
بو میهَنین توپراقینون، بَهاسی مین جاندی
بو کِشورین سُلطانی چون، شَهِ خُراساندی
شاهِ اِقلیمِ اِرتِضا
ایرانین صاحبی رضا
سالوبدی باشیمه سایه
خَلَفِ پاکِ مرتضیٰ
ائتمدی شرمنده
حیدری ام منده
حیدر یا حیدر (۴)
- دوشنبه
- 21
- اردیبهشت
- 1405
- ساعت
- 0:44
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه