ای شَرَفیم، ای شأنیم، شوکَتیم ایرانیم
سنسن ایکی عالَمده،(عزّتیم ایرانیم) (۳)
حفظیوه واردی چوخلی، هِمَّتیم ایرانیم
ای عَلَوی توپراقیم، (عزّتیم ایرانیم) (۳)
تَندن بو وفا رَختینی من سویمارام ایران
بیگانه سنه چپ باخا من قویمارام ایران
بو توپراقا قربان، اولیدی بو جانیم
نه دلرُباسن ای، صفالی ایرانیم
ای گوزل ایرانیم سنه فدا جانیم
گیزلین اولان قَلبونده، هر غَمیوه قربان
الله آدی ثبت اولموش (پرچَمیوه قربان)(۳)
پیر و جوان، مَرد و زن، هَمدَمیوه قربان
ایندی اَسور هر یئرده، (پرچَمیوه قربان)(۳)
فَخریم بودی عالَمده کی ایران، وَطَنیمدی
اوچ رنگی اولان پرچمون آخرکَفَنیمدی
منیم شهیدلر تک، اگر آخا قانیم
منه سعادتدی، ساغ اولسون ایرانیم
ای گوزل ایرانیم سنه فدا جانیم
سایه ی اَغیاره چون، سیخیلماز ایرانلی
وار دایاغی آللهه، (یخیلماز ایرانلی)(۳)
خاطره لردن بیرده، چیخیلماز ایرانلی
دشمنی نابود ایلَر، (یخیلماز ایرانلی)(۳)
تُرک و عَرب و فارسیله، لُر، کُردُله، گیلَک
ایرانه فدا ایلیه جاق، جانینی بی شَک
بو بیر سوزه دلده، واریمدی ایمانیم
همیشه پیروزِ، جهاندی ایرانیم
ای گوزل ایرانیم سنه فدا جانیم
چون تانیموردی دشمن، ملّتِ ایرانی
ایندی گوروبدی اَمّا (غیرتِ ایرانی)(۳)
خالق ائدیبدی تَضمین، عزّتِ ایرانی
دللره دوشدی بیرده، (غیرتِ ایرانی)(۳)
ایرانلیلارین غیرتی وار، دشمنه اَگمَز
غیرَتلیلرین تپراقینا، غِیر اَلی دَگمَز
منیمده دلده وار، بو عهد و پِیمانیم
اولام امامیم تک، فدایِ ایرانیم
ای گوزل ایرانیم سنه فدا جانیم
هر نَقَدَر یالوارسا، قافله ی دُزدان
چَکمیه جاق ایران اَل، (تنگه ی هُرمُزدان)(۳)
شیریدی ایران اَهلی ، باک ائلَمَز بُزدان
آلار غرامت سیزدن، (تنگه ی هُرمُزدان)(۳)
تَهدید ائله سَز، رَزمیده ایرانلی کی قاچماز
بُوی بُوی دئمیون تَنگه نی ایران سیزه آچماز
جهانه برنامه، یازیبدی ایرانیم
کی دشمنین قبرین، قازیبدی ایرانیم
ای گوزل ایرانیم سنه فدا جانیم
- دوشنبه
- 21
- اردیبهشت
- 1405
- ساعت
- 0:52
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه