شیعه لره یوخدی جهاندا رَقیب
نَصرُ مِن ا... و فَتحٌ قَریب
بیزلره دشمن وئره بولمز فریب
نَصرُ مِن ا... و فَتحٌ قَریب
بیز دوتاروق فاطمه نین دامَنین
فتنه ده شیعه تانییَر دشمنین
فاطمه قویماز اولا دللر غَمین
بیزلری زهرا آدی پیروز ائدیب
نَصرُ مِن ا... و فَتحٌ قَریب
عَهدیله میثاقیمیزه دَگمروق
اوزگه لرین درگهینی دوگمروق
حیدَرییوق، دشمنه باش اَگمروق
فاتحِ خیبر بیزه یول گوستَریب
نَصرُ مِن ا... و فَتحٌ قَریب
اَسلحه میز قُدرتِ ایمانیدی
عالَمی حیران قویان ایرانیدی
دشمنی ییخماق بیزه آسانیدی
بسدی خدا بیزلره نِعمَ الحَسیب
نَصرُ مِن ا... و فَتحٌ قَریب
آیه ی قرآن بیزه فرهنگیدی
حَقّیله باطل گینه در جَنگیدی
بیزلره عبّاس اوزی سَرهنگیدی
ساقیِ لشکر بیزه جنگ اورگَدیب
نَصرُ مِن ا... و فَتحٌ قَریب
تُرک لرین ذکرِ دِل آراسی وار
﴿هانسی گروهون بئله مولاسی وار﴾
﴿شیعه لرین حضرتِ عبّاسی وار﴾
شیعیه عبّاس آقا اولدی حبیب
نَصرُ مِن ا... و فَتحٌ قَریب
- دوشنبه
- 21
- اردیبهشت
- 1405
- ساعت
- 0:55
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه