ای آبرویِ اهلِ عالَم
تاجِ سَرِ اولادِ آدم
عزّت قازانمیشام آدوندان
ذکریم اولوب علی دَمادَم
حیدر حیدر حیدر یا حیدر (۳) یا حیدر
شیعه لَرون اوجِ شَرفده
عزّت تاپیبدی هر طرفده
جَنّاتی وئر مُدَّعی گئتسین
بهشتیمیز خاکِ نَجفده
ای عزّتیم، شأن و وقاریم
عالَمده ای، منیم نگاریم
دشمنلَرین قُوی گوزی چیخسین
سنسن منیم دار و نَداریم
ای دللرین ذوق و صفاسی
دَرگاهیوین، وار چوخ گَداسی
دلده غمیم، چوخدی بولورسن
ای عالَمین مُشکل گُشاسی
آدون اولوب وِردِ زَبانیم
سَنسن منیم آرامِ جانیم
یئردن دوراندا سسلرم من
یا علی ای روح و رَوانیم
هر کیمسه نون بیر دلبری وار
هر نوکرین بیر سَروری وار
آختارسالار کُلِّ جهانی
سن تک کیمون بیر رهبری وار؟
من (بیکَسم) حیدر کَسیمدی
بیر یول منه باخسا بَسیمدی
گوز تیکمیشم شفاعَتینه
لطفِ مولا، دادِ رَسیمدی
- دوشنبه
- 21
- اردیبهشت
- 1405
- ساعت
- 1:31
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه