ای وطن، ای گوزل آدی ایران
جانیم اولسون بو تپراقه قربان
ای گوزل ایران
ای مکتبِ ایمان
گول آدیوا قربان
ایرانیم ایران
پرچمون عزّت
ای سَربه سَر شوکت
ای معدنِ رحمت
ایرانیم ایران
ملّتون دشمنه، اصلاً باش اَگمز
بیر قاریش تپراقون، دنیایه وئرمز
﴿ای گوزل توپراقیم ای جانیم ایران﴾
ای قیزیل تپراقی قانه باتمیش
دینِ اسلامی آدی اوجاتمیش
ای شَرافَتلی
داغ تَک صَلابَتلی
ای اهلی غیرتلی
ایرانیم ایران
مَهدِ ایمانسان
خاکِ دَلیران سان
آرامشِ جان سان
ایرانیم ایران
سایه ی لطفووه بیز دالدالاننوخ
عزّتوندن اوتور قانه بویاننوخ
﴿ای گوزل توپراقیم ای جانیم ایران﴾
ای وطن هر یئرون با صفادی
مِلّتون شیعه ی مرتضادی
بیز هَوادارون
وار چوخ طرفدارون
زهرا نِگَهدارون
ایرانیم ایران
ای گُلِ بی خار
حقّه اولوبسان یار
سایسیز شَهیدون وار
ایرانیم ایران
ای وطن وار سنه، چوخلی فدالر
گئتسه سیّد علی، وار مُجتبا لر
﴿ای گوزل توپراقیم ای جانیم ایران﴾
سَربـُلند اولموسان سن جهاندا
داغ کیمی دورموسان هر زماندا
ای اوجا مَنظَر
یوخدی سنه بَنذَر
ای تپراقی چون زَر
ایرانیم ایران
قُوی هامی بولسون
دشمنلرون ئولسون
دائم یوزون گولسون
ایرانیم ایران
حق سنی ای وطن، ائتدی سَراَفراز
تا اَبَد پَرچَمِ، ایران یخیلماز
﴿ای گوزل توپراقیم ای جانیم ایران﴾
- دوشنبه
- 21
- اردیبهشت
- 1405
- ساعت
- 1:32
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه