بولون ای قوم عدو، بیشه ی شیراندی بورا
دشمنین خوار ائلین، کشورِ ایراندی بورا
حمله ایده گَر دشمن، فکر ائلمه سود اِیلَر
گور نئجه ایران اهلی، دشمنی نابود اِیلَر
جان ایران، سنه قربان ایران
خاکِ دلیران ایران، جان ایران
ایستیروخ توپراقینی بو وطنین علّتی وار
شیعه لر مَسکَنیدی، حیدره چون نسبتی وار
علی دییوب هر یئرده، مدد علیدن آللّوخ
آلِ یهوده بیرده، خیبری یاده ساللّوخ
بورا ایراندی یقین، دشمنه باش اَگمیه جاق
بو یِئرین توپراقینا دشمن اَلی دَگمیه جاق
قَصدِ جَسارت ائتسه، بو توپراقا هر دشمن
ریشه سینی بو ملّتِ، کَسَر یقیناً یِئردن
بورا ایراندی همیشه آدینون عزّتی وار
بورا آزاده لرین یوردودی حُرّیَّتی وار
بو کِشورین تاریخی، حقیقَتاً تایسیزدی
شَرحیله باشه گَلمَز، شرافَتی سایسیزدی
بورا ایراندی کی رهبرلری عزّت یارادیب
شُهدا لاله کیمی، گُلشَنه زینت یارادیب
گَلسه بَلا ایرانین، هِمَّتین اَلدن آلماز
گئدور شهیدلر اَمّا، عَلَم کی یئرده قالماز
بورا ایراندی کی اهلی اونون اولماز گُمراه
چونکی جان وئردی بیزه، هر نَفَسِ روحُ ا...
مرد و زنِ بو میهن، هر بیری بیر لشکردی
بو لشکره شُکر اولسون، خامنه ای رهبردی
- دوشنبه
- 21
- اردیبهشت
- 1405
- ساعت
- 1:35
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه