دوزدی ابلیسِ زمان حقّی ائدوبدور زائل
دوزدی هر گون گوروروخ ذِبح اولوری اسماعیل
عاقبت سیّد علینون سوزی اثبات اولاجاق
ایگرمی بش ایل صورانی گورمیه جاق اسرائیل
گُلشنِ مملکته زاغ و زَغَن دولمیه جاق
ریشه ی نَخلِ ولا ، قان ایچیری سولمیه جاق
یتیرون بو سوزی دشمنلره بولسون هامیسی
بورا ایراندی سیزین نقشه لریز اولمیه جاق
اوکی خائندی ساتیب دشمنه حیثیّتی نی
نه بولور تُپراقینان مَملَکتین قیمتینی؟
شَکّی یوخ ، بیزکی بو میداندا یقین پیروزوخ
او خیانت ائلینلر چکه جاق ذلّتینی
شیره ، روباهی گوره ن وقتیده کی بیم اولماز
قدرتِ شیر بَلی ، شعریده تَرسیم اولماز
باقری ، بیرده سلامی و حاجی زاده لرین
وطنی تا به اَبَد دشمنه تسلیم اولماز
بولون ای قوم بورا بیشه ی شیراندی بولون
دشمنین خوار ائلییَن ملّتِ ایراندی بولون
قدرتِ اصلی بیزه ، موشک و پَهباد دگول
قدرتِ اصلی بیزه ، قدرتِ ایماندی بولون
بورا ایراندی تماماً هامیسی اهلِ وقار
بورا ایراندی گَلن دشمنی مردانه یخار
بیر قاریش توپراقینا کیمسه دَگَنمز چونکی
بو دیارین گوروسوز رهبرِ فرزانه سی وار
- دوشنبه
- 21
- اردیبهشت
- 1405
- ساعت
- 2:2
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه