زینتِ طوس ، اَبالحسن
شَمسِ شموس ، اَبالحسن
عشقیوه ، مُبتَلایم
سائلِ ، بینوایم
کَرَم قیل ، جانِ زهرا
اَلی بوش ، بیر گَدایم
لُطفووه ایتمیشم ، همیشه عادت
شَه ایدَر غُلامه چونکی عنایت
گویلومه ، دوشوبدی، شوقِ زیارت
قبروندن اوتری گوگلوم اَسور مثل برگ بید
بیر سائلم قاپوندا سیَه روی و مو سفید
ویرّم قسم جوان بالاوا ایتمه ناامید
قیل مُفتخر عنایتیوه یا ابا الحسن
السُّلطان ، ابا الحسن
وَجهِ خُدا ، نورِ جَلی
کانِ کَرَم ، مِثلِ علی
بَرتر از ، هر بَیانسان
عزّتِ ، شیعیانسان
اولموسان ، بِیله مشهور
امامِ ، مهرَبانسان
نَظر قیل، گَدایه ، ای گُلِ رضوان
سُفره ی ، لُطفووه ، قیل منی مهمان
جانِ نا قابلیم ، آدیوا قربان
سن مظهر جمالِ خدای عَطوف سن
کَشّافِ هَمّ و غَمّ و کُروب و لُهوف سن
معروف سن بو اِسمه امامِ رَئوف سن
جانلار فدا عطوفتیوه یا ابا الحسن
السُّلطان ، ابا الحسن
جلوه گَرِ ، خاتَمِ عشق
بَحرِ سَخا ، حاتَمِ عشق
مُعینَ الضُّعَفاسن
غَریبَ الغُرَباسن
همیشه ، زائرون وار
کی حَجِ ، فُقَراسن
قلبیمی ، قان ایدوب ، تیرِ فَراقون
دوتور خسته دیلیم گینه سُراغون
نولور بیرده منی اِیْله قوناقون
ای جود و بخشش و کَرَم و فضل معدنی
اوغلون جواد جانینه ویرّم قسم سنی
بیرده قوناق چاقور او گوزل قبریوه منی
مشمول قیل کرامتیوه یا ابا الحسن
السُّلطان ، ابا الحسن
ای گول آدی ، قلبه جَلا
یارِ دلِ ، اَهلِ ولا
عالَمه ، ای شَهنشاه
درگَهون ، حَقّه درگاه
اَلیمدن ، دوتماسِیدیز
اولاردیم ، منده گُمراه
مُریدم ، مُریدِ ، راهِ ولایت
دامَنون ، دوتموشام ، تاپام جَلالت
عُمرومون ،کاش اولا ، خَتمی ، شهادت
جدّون اوزی بیله بویوروبدی مُفَضَّله
قرآندی اصل مدرکی، روشندی مسئله
واللهی قبریدن دوراجاقدی گوله گوله
قائل اولان ولایتیوه یا ابا الحسن
السُّلطان ، ابا الحسن
آبِ حَیات ، اَبالحسن
بابِ نجات ، اَبالحسن
ای بیزیم ، عزّتیمیز
دهریده ، شوکَتیمیز
سُفره وه ، ریزه خواروق
ای وَلی ، نِعمتیمیز
اُمیدین ، باغلیوب ، ملّتِ ایران
لطفووه ، چون سنون ، شاهِ خراسان
جانیمیز ، آدیوا ، کاش اولا قربان
دشمن گلوب بوگون سگِ زرد و سیاهلیه
ایرانین اهلینین ، دولودی قلبیه آهیله
آلِ یَهودی مَحو ایله نیمَه نِگاهیله
رَحم ایله سن بو اُمَّتیوه یا اَبالحسن
- دوشنبه
- 21
- اردیبهشت
- 1405
- ساعت
- 2:16
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه