صفا تاپوب ماسِوا ، گلوبدی شَمسِ هُدا
عالَمی روشن ایدوب ، جَمالِ موسی الرضا
خَسته دیله جان گلوب
معدن احسان گلوب
خبر ویرون اِئل لره
شاهِ خراسان گلوب
یا علی موسی الرضا
قالوبدی حیران چوخی ، باخاندا گوزقاشینه
موسی بن جعفر چیخیر ،هِی صَدقه باشینه
ای حَسَنات آیه سی
تاپیلماز هَمپایه سی
باشیمیزا شُکر اولا
دوشوب رضا سایه سی
رَسمیدی شَهلر آقا ، سائله احسان ایدر
بیر باخیشون آتشی ، روضه ی رضوان ایدر
رَئوفِ آلِ رسول
عَزیزِ جانِ بَتول
قاپوندا نوکرلیقا
گَل منی ایله قبول
شیعه لره یر یوزی ، تَنگیدی آگاهیسن
گوشه کَنارِ جهان ، جَنگیدی آگاهیسن
سن بیزه احسان ایله
غَملی اورک دینجَله
دعا ایله سن اوزون
مَهدیِ زهرا گَله
لطفوون همیشه منه ، شامل اولوب یوخ سوزوم
(بیکَس) و دَرماندییَم ، آیریلیقا یوخ دوزوم
ای گُلِ باغِ وِلا
جان سنه قربان اولا
ایسته گَلوم قَبریوه
یاز صورا کرب و بلا
- دوشنبه
- 21
- اردیبهشت
- 1405
- ساعت
- 2:25
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه