ای شَمسِ مُلکِ ولا ، آدون هر قلبه جَلا
لطفون منه شامل اولا ، مولا یا رضا
لیلِ تاره قَمَریم ، ای نورِ دیده لریم
ای باشداکی تاجِ سَریم ، مولا یارضا
اَمیرِ ماسِوا / سنه اولوم فدا
صفا تاپور سینیخ اورک هر آندا/ دییَنده یا رضا
بولوله نوکَرم سنه هر یاندا/ دییَنده یا رضا
ای باشداکی تاجِ سَریم ، مولا یارضا
ای نورِ لَم یَزَلی ، زهرانین ای گوزَلی
هَمنامِ شیرِ خدا ، مولا یا رضا
گول آدون شَمسِ شموس، جَنَّتدی بیزلره طوس
دورَه نده چوخدی گَدا ، مولا یا رضا
اِمامٌ اَلهُدیٰ / سَلیلِ مُرتضیٰ
منی همیشه سُفره وه مهمان ایت/ دییَنده یا رضا
همیشه میثلی سائله احسان ایت/ دییَنده یا رضا
ای باشداکی تاجِ سَریم ، مولا یارضا
ای قلبه عشقی دولان ، آهویه ضامن اولان
ای کانِ لطف و سَخا ، مولا یا رضا
ای آدی آبِ حَیات ، ای جَمعِ هر حَسَنات
ای باشدان باشه صفا ، مولا یا رضا
نِشانِ هَل اَتیٰ / ای عادتی عَطا
دوباره دعوت ایت منی پابوسه / دییَنده یا رضا
ووروم او باصفا ضریحه ، بوسه/ دییَنده یا رضا
ای باشدا کی تاجِ سَریم ، مولا یارضا
- دوشنبه
- 21
- اردیبهشت
- 1405
- ساعت
- 2:26
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه