ای صفا معدنی ایران
ظالمین دشمنی ایران
جاندان آرتیق بولوسن کی
ایستَرَم من سنی ایران
ای اولان خاکِ شهیدان
سنه قربان اولوم ایران
وطنیم سنده صفا وار
زینتِ باغِ ولا وار
وئردون اسلامه فدالَر
سنده عطرِ کربلا وار
دَگسَه ده سنه جَراحت
دورموسان نه با صَلابت
اولدون ایران بو جهاندا
حامیِ دین و ولایت
ای اولان خاکِ شهیدان
سنه قربان اولوم ایران
وار سینَنده گُلِ خوشبو
سوسن و نرگس و شَب بو
سنه عزّت یارادیبدی
حضرتِ ضامنِ آهو
طَمَعیم یوخدی کِنِشته
راضییم بو سَرنِوشنه
قبرِ سلطانِ خراسان
سنی دوندَریب بهشته
ای اولان خاکِ شهیدان
سنه قربان اولوم ایران
وَطنیم نه شوکَتون وار
نه جَلال و هِیبَتون وار
دیللره دوشوبدی آدون
نه صفالی ملَّتون وار
حِفظیوه خاطر ای ایران
اولدی چوخلار سنه قربان
او قَدَر عزیزیدون کی
گئچدی رهبرده جانیندان
ای اولان خاکِ شهیدان
سنه قربان اولوم ایران
وطنیم دیلده غمون وار
چوخدی امّا سنه غمخوار
شهدا گئتسه ده قوخما
سنه اولموشام عَلمدار
(بیکَسم) دیده لریم یاش
آلارام بیر گونی پاداش
بوکه لر آخرِ عُمروم
نَعشیمی پرچَمه ایکاش
ای اولان خاکِ شهیدان
سنه قربان اولوم ایران
اشاره به دختران شهید مدرسه ی شجره ی طیبه ی میناب
- پنج شنبه
- 24
- اردیبهشت
- 1405
- ساعت
- 20:15
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه